web counter
LEXO PA REKLAMA!

SHKARKO APP

App Store
Google Play

“Rama dhe ministrat e tij po vrasin konkurrencën në turizëm”/ Berisha: Grabiti 24 hektarë tokë

16 Prill 2025, 12:34, Politikë CNA

“Rama dhe ministrat e tij po vrasin konkurrencën në

Kreu i Partisë Demokratike, Sali Berisha, zhvilloi sot një bashkëbisedim mbi turizmin. Berisha u ndal te disa çështje që i konsideroi si problematika në këtë sektor.

Në fjalën e tij, Berisha hodhi akuza të rënda ndaj kryeministrit Edi Rama dhe misnistrave se po vrasin konkurrencën në turizëm.

Berisha shtoi se Rama grabiti 24 hektarë tokë vetëm se është kryeministër.

“Industria turistike përballet me shumë vështirësi. Nuk ka një mbështetje. Narkoeuro është një monedhë toksike për industrinë turistike, për eksportet, për ekonominë shqiptare.

Mirëpo në një narkoshtet, nuk ka narkoshtet pa monedhën e vet dhe narkodiktatori, i cili i ka shndërruar këta titujt strategjikë në bixhozin më të madh jo në Shqipëri, por në Europë.

Se një titull i tillë shpërblehet me miliona narkoeuro. Plus angazhimi i qeveritarëve në industrinë turistike është një element tjetër jashtëzakonisht i dëmshëm.

Edi Rama vetë shkon dhe merr 225 mijë metër katrorë tokë me emrin e nënës së vet dhe vëllait, tokë pa asnjë dokument kadastral.

Tokë pa asnjë dokument që të faktojë se ka qenë e konfiskuar nga regjimi komunist.

Tokë, e cila kujtdo mund t’i përkiste, por jo Kolekëve, pasi vetë Spiro Koleka thotë se nuk kishin tokë. Ai thotë nuk kishim tokë, nipi i tij bëhet me 24 hektarë se u bë kryeministër.

Mirëpo kjo e vret konkurrencën e ndershme në mënyrë barbare.

Në këtë aspekt, këta zotërinj që i mbijetojnë kësaj konkurrence, kësaj xhungle që ka krijuar qeveria në këtë industri, janë heronj të vërtetë sepse janë të vendosur në kushtet më të pabarabarta.

Kudo industria është delikate. Kudo hoteleria është delikate. Kudo sistemi i restoranteve është delikat dhe kërkon një menaxhim të zotin, por kërkon edhe rregulla të ndershme.

Kurse këta përballen me një xhungël të vërtetë që udhëhiqet nga qeveritarët”,-tha Berisha./CNA





Lajmet e fundit nga