web counter
LEXO PA REKLAMA!

SHKARKO APP

App Store
Google Play

“Do të jetë gati brenda 1 viti”/ Rama dhe Balluku inspektojnë autostradën Elbasan-Lekaj

16 Prill 2025, 11:35, Politikë CNA

“Do të jetë gati brenda 1 viti”/ Rama dhe Balluku

Kryeministri Edi Rama dhe ministrja e Infrastrukturës dhe Energjisë, Belinda Balluku, zhvilluan sot një inspektim në kantierin e autostradës Elbasan-Lekaj. Kjo autostradë është pjesë e Korridorit VIII, një investim i kategorisë A, që ka një gjatësi totale prej 40.7 kilometër.

Në fjalën e tij, Rama tha se kjo autostradë është pjesë e një investimi dhe programi masiv për infrastrukturën.

“Duhet pasur parasysh që është një program masiv. Bëhet edhe në kuadër të investimeve të Ballkanit Perëndimor. Sot për sot mbështetja e programeve për Shqipërinë mbetet kredi e butë. Me hyrjen në BE mbështetja rritet në mënyrë eksponenciale”,-tha Rama.

Ndërkohë, ministrja Balluku u shpreh se projekti është i ndarë në 3 faza dhe se 20 km e para të kësaj faze të tretë do të jenë gati brenda 1 viti.

“Projekti është i ndarë në 3 faza. Kjo është faza e tretë nga Elbasani drejt Rrogozhinës. Ndodhemi në gjeologji lumore, që jep mundësi për të lëvizur më shpejt. Këtu jemi në pjesën e fazës së tretë, me kantierin që vijon punën. Besoj se do të jemi brenda afateve. 20 kilometrat e para të kësaj faze të tretë do të jenë gati brenda 1 viti”,-tha Balluku./CNA

 

 

 

 

 

 





Lajmet e fundit nga