web counter
LEXO PA REKLAMA!

SHKARKO APP

App Store
Google Play

E fundit!

x

LaCivita: E vetmja e ardhme që kemi është nëse Berisha zgjidhet kryeministër

16 Prill 2025, 14:36, Politikë CNA

LaCivita: E vetmja e ardhme që kemi është nëse Berisha

Partia Demokratike zhvilloi sot një bashkëbisedim me të rinjtë e FRPD-së dhe kreun e PD-së, Sali Berisha. Në takim ishte i pranishëm edhe këshilltari i fushatës, Chris LaCivita.

Në fjalën e tij, LaCivita theksoi se e vetmja e ardhme që ka vendi është nëse Berisha zgjidhet kryeministër.

LaCivita u shpreh se Shqipëria nuk përballon dot edhe katër vite të tjera me Edi Ramën.

LaCivita tha se në politikë gjëja më e rëndësishme është të jesh vetvetja dhe i vërtetë me atë që përfaqëson si parti.

“Ajo që dua të them është se çdo ditë duhet të jetë një shpërthim, si një zgjim i ri. Një zgjim dhe edukim i elektoratit për mënyrën se si Edi Rama ka dështuar keqazi në këtë vend.

Unë kam një rregull të ngjashëm: të jesh i shkurtër, i qartë dhe të përçosh mesazhin në mënyrë të vazhdueshme. Dhe e vetmja e ardhme që kemi këtu është nëse z. Berisha zgjidhet. Përndryshe, do të kemi më shumë nga e njëjta gjë.

E dini, në politikë, nëse përpiqesh të 'shtysh' me zor diçka, kjo duket artificiale. Dhe mendoj se gjëja më e rëndësishme është të jesh vetvetja. Siç tha edhe z. Berisha, të jesh i vërtetë me veten, i vërtetë me atë që përfaqëson si parti, të luftosh për taksa më të ulëta, të luftosh për njeriun e zakonshëm që punon, dhe të tregosh qartë se ky vend nuk përballon dot edhe katër vite të tjera me Edi Ramën.

Thjesht nuk mundet. Ky është momenti i shpërthimit”,-tha LaCivita./CNA

 





Lajmet e fundit nga