LEXO PA REKLAMA!

SHKARKO APP

E fundit!

x

Mediu, krah Berishës/ Ishte dhunë mbi lirinë dhe gjithë opozitën

6 Dhjetor 2022, 16:48, Politikë CNA
Mediu, krah Berishës/ Ishte dhunë mbi lirinë dhe gjithë
Kryetari i Partisë Republikane, Fatmir Mediu

Kryetari i Partisë Republikane, Fatmir Mediu, ka reaguar pas ngjarjes së rëndë ku është goditur me grusht kryedemokrati, Sali Berisha.

Mediu ka pohuar se kjo është një ngjarje skandaloze dhe e ka cilësuar si dhunë mbi lirinë dhe opozitën nga ana e Kryeministrit dhe qeverisë.

“Sulmi ndaj Berishës është një ngjarje skandaloze e turpshme, që tregon qartë se situata në Shqipëri është në duart e dhunës dhe krimit.

Kjo është dhunë mbi lirinë dhe gjithë opozitën , është dhunë mbi shqiptarët të cilët duan një shtet që ti shërbejë qëllimeve të tyre Europiane dhe jo interesave kriminale dhe korruptive.

Ky akt sot ditën që mbahet Samiti Europian në Tiranë tregon qartë sa larg Europës jemi realisht prej saj.

Gjuha e dhunës kundër opozitës e manifestuar në parlament deri në eleminimin e opozitës, nga Kryeministri dhe qeveria krijon premisa për akte të tilla dhune.

Qeveria ka përgjegjësinë dhe detyrën për të mos lejuar dhunën, garantojë protestën, të mos prek opozitën e për më tepër drejtuesin e saj.

Nëse trafikantët e drogës bëjnë ligjin në Shqipëri dhe dhunojnë opozitën kjo është përgjegjësi e qeverisë”, shkruan ai në rrjete sociale./ CNA.al

Lajmet e fundit nga