web counter
LEXO PA REKLAMA!

SHKARKO APP

App Store
Google Play

Media belge për dosjen ‘Toyota Yaris’: Provë për ambiciet europiane të Shqipërisë

2 Qershor 2025, 21:26, Politikë CNA

Media belge për dosjen ‘Toyota Yaris’: Provë për

Media e njohur belge “L’echo”, në një artikull të publikuar këtë të hënë, ka shkruar lidhur me procesin belg për dosjen e njohur ‘Toyota Yaris’ dhe e ka cilësuar drejtpërdrejt si një provë për ambiciet europiane të Shqipërisë.

Sipas medias belge, çështja ‘Toyota’ fillon gjykimin këtë të hënë në Gjykatën Penale të Brukselit. Çështja daton që nga viti 2018, kur gati 3.5 milionë euro në para të gatshme u zbuluan në dy automjete ‘Toyota Auris’ që vinin nga Belgjika dhe që duhej të ankoroheshin në portin e Durresit. 

“L’echo” e cilëson si një rast klasik pastrimi parash dhe gjithashtu një tjetër provë e dëshirës së Shqipërisë për anëtarësim në Bashkimin Evropian, një mundësi që po rritet, por që sipas medias belge vazhdon të përballet me rritjen e korrupsionit dhe kontrollin e organizatave kriminale, një kancer, metastazat e të cilit mund të gjenden në të gjitha shtresat e shoqërisë në shtetin e vogël ballkanik.

Në artikull përmenden seancat gjyqësore të zhvilluara për këtë çështje deri në këto momente dhe lufta kundër organizatave kriminale, që konsiderohet një sfidë ndaj integrimit europian të Shqipërisë./CNA





Lajmet e fundit nga