web counter
LEXO PA REKLAMA!

SHKARKO APP

App Store
Google Play

E fundit!

x

Akuzat/ Rama dha leje për 29.300 hektarë kanabis me vlerë 10 miliardë euro në vitin elektoral

2 Qershor 2025, 12:36, Politikë CNA

Akuzat/ Rama dha leje për 29.300 hektarë kanabis me vlerë 10

Kreu i PD-së, Sali Berisha, ditën e sotme ka denoncuar se kryeministri Edi Rama ka dhënë leje për 29.300 hektarë kanabis me vlerë 10 miliardë euro në vitin elektoral.

Sipas Berishës, Edi Rama përdori të gjitha mjetet, ndër të cilat licencat për mbjelljen në kundërshtim flagrant me ligjin dhe të gjitha konventat ndërkombëtare, të 29 mijë e 300 hektarëve drogë.

Berisha theksoi se në vit elektoral Edi Rama rrethoi Shqipërinë në të katër anët e saj, dhe në thellësi, me plantacione droge, vlera e të cilave është kolosale po të kemi parasysh se në 28 mijë hektarë mund të mbillen dhjetëra miliona rrënjë kanabis, të cilat shkojnë në një vlerë të paktën 10 miliardë euro.

“Në farsën elektorale të 11 majit 2025, kreu i organizatës kriminale të narkoshtetit shqiptar, Edi Rama, përdori të gjitha mjetet, ndër të cilat, licencat për mbjelljen, në kundërshtim flagrant me ligjin dhe të gjitha konventat ndërkombëtare, të 29 mijë e 300 hektarëve drogë.

Ligji i miratuar nga qeveria lejon, autorizon mbjelljen e 200 hektarëve në mbarë vendin.

Por në vitin elektoral, kjo sipërfaqe u shumëfishua dhjetëra herë, qindra herë.

Pra, në vit elektoral Edi Rama rrethoi Shqipërinë në të katër anët e saj, dhe në thellësi, me plantacione droge, vlera e të cilave është kolosale po të kemi parasysh se në 28 mijë hektarë mund të mbillen dhjetëra miliona rrënjë kanabis, të cilat shkojnë në një vlerë të paktën 10 miliardë euro.

Armand Maho ka përgatitur një investigim të plotë të këtij procesi dhe ne e paraqesim sot para shqiptarëve dhe medieve të gjithë dimensionet e tij”, tha Berisha

Ndër të tjera Berisha tha se licencat i kanë marrë njerëzit e Edi Ramës të lidhur me krimin dhe drogën./ CNA





Lajmet e fundit nga