web counter
LEXO PA REKLAMA!

SHKARKO APP

App Store
Google Play

“Ku ishte shteti kur u ndërtua?”/ Rama reagon ndaj kritikave, nisin hetime për objektet pa leje

8 Shtator 2022, 18:06, Politikë CNA
“Ku ishte shteti kur u ndërtua?”/ Rama reagon ndaj kritikave,
Kryeministri Edi Rama

Kryeministri Edi Rama ka reaguar pas kritikave për nisjen e aksionit për konfiskimin e objekteve pa leje, ku sot u sekuestrua një pallat 9-katësh në Farkë.

Rama thotë se fajin për ndërtimet pa leje nuk e ka shteti, por inspektorët dhe punonjësit e policisë së zonës.

Me anë të një statusi në rrjetet sociale, kreu i qeverisë deklaron se për ndërtimet pa leje ka nisur një hetim që do të japë përgjigje për abuzimet.

“Ku ishte shteti kur u ndërtua?

E kam ndeshur këtë pyetje në komente mbi operacionin më të fundit të qeverisë për konfiskimin e ndërtimeve pa leje për qëllim fitimi. Pyetja në fakt është ku ishin inspektorët apo punonjësit e policisë së zonës ku janë bërë të tilla abuzime! Këtë do ta mësojmë nga hetimi që ka nisur paralelisht, ndërkohë që pa dashur të humbas kohën e askujt të cilit nuk i mbushet mendja, po as timen për t'iu mbushur mendjen atyre që s'duan, them se janë disa gjëra që duhen mbajtur parasysh:

E para, sot këto lloj ndërtimesh janë ku e ku më pak se dje dhe janë ku e ku më pak, pikërisht sepse ka ku e ku më shumë shtet, ligj, rregull se deri dje.

E dyta, kjo nuk është një ndeshje futbolli dhe as një betejë e vetme, po një luftë e gjatë, ku avantazhi i shtetit e i ligjit në terren nuk merret kollaj, po me mund e durim të madh.

E treta, ky operacion bazohet në ndryshimet e reja ligjore, që dolën si mësim në rrugën plot kthesa e befasira të kësaj lufte dhe në një vullnet të papërkulur për ta çuar këtë luftë të gjatë deri në fund.

E katërta, ka shumë të ngjarë që me mbylljen përfundimtare të rrugës së legalizimit dhe konfiskimet e këtyre hapësirave abuzive për interes publik, të vuloset edhe fundi i kësaj praktike të neveritshme.

E pesta dhe e fundit, e cila është edhe personale dhe e kam me ata që më dinë si veten e tyre apo më akuzojnë për gjëra që mesa duket do t'i bënin vetë në vendin tim: Po të kishte lindur ndërtuesi që më blinte mua me kate e me metra pallatesh, ky operacion nuk do ndodhte kurrë me nxitjen dhe nën udhëheqjen time. Kaq”, shkruan Rama./ B.A. – CNA.al





Lajmet e fundit nga