web counter
LEXO PA REKLAMA!

SHKARKO APP

App Store
Google Play

"S'ka çfarë i bën gomarit dhe i bie samarit"/ "I pavaruri" Flamur Noka, nga pishinat në Kuvend

8 Shtator 2022, 13:38, Politikë CNA

"S'ka çfarë i bën gomarit dhe i bie samarit"/

Flamur Noka pasi vajtoi pishinat e Irfan Hysenbelliut është shfaqur i nervozuar në Kuvend.

Gjatë seancës parlamentare, nga foltorja e Kuvendit, Noka është shprehur i nervozuar pasi nga Kuvendi njihet si deputet i pavarur.

"Kush ua ka dhënë lejen juve që emri im në lista të shënohet 'Flamur Noka deputet i pavarur', është hera e fundit që ndodh kjo", i është drejtuar Noka, kryetares së Kuvendit, Lindita Nikolla.

Kjo e fundit e ka sqaruar me argumentin se është i përjashtruar nga grupi parlamentar i PD-së.

"Emri juaj shënohet kështu sepse grupi Parlamentar i PD-së ju ka përjashtuar, dhe ju e dini shumë mirë se përse ua shënojmë kështu. Nëse doni që këtë problem ta transferoni te ne në rregull", ka thënë Nikolla.

Por, Noka, ndërsa ka vijuar me akuza për Bashën dhe Ramën i ka kërkuar Nikollës që të pyesë demokratët e Kamzës, Zallherrit dhe e të Tiranës.

"Që ju ta bëni këtë shënim, ju duhet të bazoheni në Komisionin Zgjedhur të Zgjedhjeve, dhe sipas këtij Komisioni unë jam deputet i PD-së. Më thoni cili ligj apo nen, i jep të drejtë shërbëtorit të Edi Ramës (Basha) që të më caktojë si deputet të përjashtuar. Se kush jam unë e dinë demokratët e Kamzës, Zallherrit, e gjithë demokratët e Tiranës. Nëse ju keni një vendim, nxirruni shqiptarëve rregulloren. Kush jeni ju? Ju jeni thjeshtë spikere, nuk jeni për të caktuar për të kombinuar AliBashën me gjëra të tjera", ka thënë Noka, duke ia lënë kështu përgjegjësinë Nikollës, apo siç thotë populli, "s'ka çfarë i bën gomarit dhe i bie samarit"./CNA.al





Lajmet e fundit nga