web counter
LEXO PA REKLAMA!

SHKARKO APP

App Store
Google Play

E fundit!

x

Sekuestrimi i godinave pa leje/ Balluku: Nuk preken qytetarët që ndërtojnë për strehimin e familjes

8 Shtator 2022, 16:06, Politikë CNA
Sekuestrimi i godinave pa leje/ Balluku: Nuk preken qytetarët që
Zv.kryeministrja Belinda Balluku

Zv.kryeministrja Belinda Balluku ka folur nga Farka, ku u sekuestrua një pallat 9-katësh, për nismën e Qeverisë për ndërtimet e paligjshme.

Balluku tha se investitorët e këtyre ndërtimeve pa leje kanë dy mundësi, ta blejnë me çmim tregu ose t’ia dhurojnë shtetit.

Ajo theksoi se nëse investitori nuk pranon asnjërën nga këto mundësi, atëherë pallati do të konfiskohet.

Ministrja delaroi se nga VKM-ja nuk preken ndërtimet pa leje të qytetarëve që duan të strehojnë familjen e tyre, por vetëm ndërtesat pa leje me qëllim fitimi.

“Ky proces s’ka të bëjë vetëm me konfiskim apo me të gjitha veprimet e tjera që ne do t’iu mundësojmë investitorëve që kanë shkelur ligjin. Ky aksion ka të bëjë edhe me hetimin e secilit veprim që është bërë apo nuk është bërë nga institucionet që kanë për detyrë të mbrojnë territorin. Bazuar në VKM-në e dalë vetëm një ditë më parë, ka disa mundësi për këtë objekt, mundësia e parë është që ky objekt pasi të verifikohet nga inspektorët e IKMT do shikohet edhe mundësia për prishjen. VKM i jep edhe disa mundësi të tjera, në radhë të parë do t’i ofrojmë mundësinë që ta parablejë këtë vepër me një çmim të tregut, por ama të indeksuar. Paratë nëse investitori vendos ta parablejë do shkojnë në llogarinë  e Bankës së Shqipërisë me destinacion shpronësimet, në këtë rast shpronësimet që do kemi në projektet e ndërtimit të unazës së madhe.

Në variantin e dytë investitorit do i ofrohet mundësia që ta dhurojë këtë objekt. Duke e dhuruar padyshim që do ta përdorim për banesa sociale për të akomoduar banorë që preken nga projekti i Unazës së Madhe, në raste të tjera mund të përdoret për zyra. Në të dyja raste padyshim që investitori që ka shkelur ligjin do jetë i detyruar të paguajë gjobë. Nëse zgjedh një nga këto dy veprime do ketë të drejtën e legalizimit të ndërtesës që do të thotë nuk do të ndiqet penalisht. Nëse investitori s’do pranojë ta paguajë e as ta dhurojë atëherë kjo ndërtesë do të konfiskohet. Gjithashtu do ndiqet penalisht, përveç gjobës që paguhet në të gjitha rastet. Synimi ynë është të vendosim ligjin, e kemi nisur nga Tirana që është kryeqyteti, por kjo do hapet në çdo qytet e çdo vend, vetëm për ato ndërtesë që janë ndërtuar me qëllim fitimi, nuk bëjnë pjesë ndërtesat të cilat janë të paligjshme, por qytetarët i kanë ngritur për veten e tyre për të strehuar familjet”, tha Balluku./ B.A. - CNA.al





Lajmet e fundit nga