web counter
LEXO PA REKLAMA!

SHKARKO APP

App Store
Google Play

“Korrupsioni i ka lënë rrugët dhe shqiptarët rrugëve”/ Si po “zhvaten” taksat e qytetarëve

6 Qershor 2022, 10:55, Politikë CNA
“Korrupsioni i ka lënë rrugët dhe shqiptarët
Qeveria "Rama 3"

Deputetja Jorida Tabaku akuzon Qeverinë, se me fotot e bukura, projektet 3D dhe pamjet video vetëm sa tenton të mbulojë korrupsionin, që sipas saj i ka lënë rrugët dhe shqiptarët rrugëve.

Në një postim në rrjetet sociale, ajo shkruan se një ndër shembujt e abuzimit është rruga Kardhiq-Delvinë që nisi me një parashikim në buxhetin afatmesëm me vlerë 5.2 miliardë lekë dhe që më pas shkoi në 6.7 miliardë lekë.

“A duhet të normalizojmë korrupsionin?

Në shqip, fjala e urtë popullore 'i kushtoi sa frëngu pulën' do të mund të kuptohej nën shembullin e rrugës Kardhiq-Delvinë që nisi me një parashikim në buxhetin afatmesëm me vlerë 5.2 miliardë lekë dhe që më pas shkoi në 6.7 miliardë lekë.

Kjo rrugë ka dhe një nga historitë më domethënëse se si paratë e taksave të shqiptarëve keqpërdoren vazhdimisht për t’u ofruar herë pas here shqiptarëve një copëz tuneli si një arritje e madhe. Rruga ka nisur që në vitin 2018 dhe është thuajse 35 km e gjatë, me logjikë duhet të kishte përfunduar me kohë, por nuk ka përfunduar.

Njësoj si shumica e rrugëve të nisura nga kjo mazhorancë, përfshirë dhe kryeveprën e dështimit Rruga e Arbrit, kjo rrugë ka pësuar rritje të vazhdueshme të shumës, dështime me tendera dhe shenja të qarta abuzimi me fondet.

Vetëm vitin e fundit shpenzimet për këtë rrugë janë rritur me thuajse 30% duke treguar më shumë hallin e qeverisë për të hedhur në xhepat e kompanive që ndërtojnë këtë rrugë se sa përfundimin e saj.

Sivjet jemi në një vit ku shpenzimet e çdo qytetari po rriten me nga 30%-40%, ndërkohë që Qeveria jonë ka ndihmën më të ulët në rajon për familjet.

Fotot e bukura, projektet 3D dhe pamjet video vetëm sa mbulojnë korrupsionin e një qeverie që i ka lënë rrugët dhe shqiptarët rrugëve”. -shkruan Tabaku./CNA.al

“Korrupsioni i ka lënë rrugët dhe shqiptarët
Foto e publikuar nga Jorida Tabaku




Lajmet e fundit nga