web counter
LEXO PA REKLAMA!

SHKARKO APP

App Store
Google Play

Koalicioni PD-PL/ Zheji: A do të jetë Meta sërish "king maker"?

31 Tetor 2022, 14:36, Politikë CNA

Koalicioni PD-PL/ Zheji: A do të jetë Meta sërish "king

Analisti Artur Zheji ka komentuar koalicionin opozitar Berisha-Meta, ku u shpreh se kreu i Partisë së Lirisë, është duke u shndërruar në një “king maker”, njëlloj siç ka bërë para disa vitesh kur ka qenë në koalicion me të djathtën.

"Shqiptarët do rrinë përpara ekraneve për të zgjedhur një nga tre persona, ku më i riu ka 16 vjet në jetën politike. Mendoj që të gjitha palët kanë në favor të kenë këtë lloj kundërshtie. Nuk ka një surprizë në këto zgjedhje, nuk ka një befasi, si për shembull në Itali që kishte një surprizë në formimin e qeverisë. Në vend aktorët janë të sprovuar dhe të konsumuar. Në të njëjtën korsi që është Shqipëria janë 3 atletë politikë. Në 2009-ën personazhi që bëri diferencën ishte Ilir Meta me koalicionin me Berishën, ai u bë 'king-maker'. Çfarë ndodh, kemi dy raste ku Meta është 'king-maker', më pas Rama e çoi Metën në presidencë dhe u tregua i zgjuar. Kemi në 2019 lokalet që u braktisën zgjedhjet dhe vijmë në 2022 me koalicionin e ri. Pyetja është a do jetë Meta sërish 'king-maker' në këto zgjedhje. Këtu ka ndikimin në zgjedhje, kemi një grup parlamentar të PD që nuk është prononcuar ende, nëse të panjohurat do thjeshtohen do diskutojmë se çfarë ndodh. Problemi është që Meta dhe Berisha japin shpresë, por nëse eliminohen këto faktorët e tjerë. Në radhë të parë duhet që koalicioni të jetë i konsoliduar, Meta bëri hap prapa duke respektuar primaret e PD-së, por konsolidoi koalicionin në drejtim të zgjedhjeve.

Këta zotërinjtë kanë një krenari të madhe dhe nuk do dinë të luajnë pjesën e aktrimit e të plagosurit. Rama nga ana tjetër është më modest, i japin rolin dhe e luan. Populli thotë që bisha e plagosur është për jetë a vdekje dhe është shumë e rrezikshme, nëse këta hyjnë në këtë luftë me plan B do humbasin, nëse e heqin nga ekuacioni mund të fitojnë"- u shpreh Zheji në "Pikat mbi I"./CNA.al





Lajmet e fundit nga