LEXO PA REKLAMA!

SHKARKO APP

E fundit!

x

“Kjo qeveri po ju vret shpresën”/ Kandidatja e FRPD-së, mesazh të fortë të rinjve

22 Shtator 2022, 08:51, Politikë CNA
“Kjo qeveri po ju vret shpresën”/ Kandidatja e FRPD-së,
Alesia Balliu

Kandidatja për kreun e ri të Forumit Rinor të Partisë Demokratike, Alesia Balliu, në një intervistë për CNA.al, ka folur për garën dhe arsyet që e bënë t’i bashkohej asaj, duke u ndalur dhe te situata politike, por dhe të rinjtë.

Ajo tha se një i ri sot përplaset me shumë pengesa, dhe se qeveria po u vret shpresën e rinisë edhe pse janë të mirë arsimuar dhe profesionalisht shumë të arritur.

Duke premtuar mbështetje, ajo dha edhe disa mesazhe të forta, që gjithsecili nga ne, duhet t’ia thotë vetës çdo ditë, që kurrë të mos dorëzohemi, pavarësisht sfidave.

 “Rinisë sot nuk i mungon asgjë, janë të mirë arsimuar dhe profesionalisht shumë të arritur por kjo qeveri nuk po ju jep mundësi dhe klasa politike nuk po lejon hapësira dhe për këtë arsye një i ri sot përplaset me shumë pengesa.

 Kjo qeveri po ju vret shpresen rinise por edhe gjithë Shqipëtarëve, kjo është gjëja më e tmerrshme, siç ka thënë Sami Frashëri, kush vret shpresën të merr dhe atë që ke dhe atë që s’ke. Dhe shpresa jonë s’ka vdekur dhe s’do vdesi kurrë.”

Por çfarë premton Balliu në krye të FRPD-së për të rinjtë?

“Unë do të përpiqesha të sillja shpirtin e aktivizmit dhe të përpjekjes për të adresuar problematikat rinore me një qasje sa me teknike dhe metodike, në përpjekje për të bindur rininë që Shqipëria është vendi i tyre dhe se ajo ende ka mundësi për ta.

Kurrë mos u dorëzoni. Është relativisht e thjeshtë të vendosësh se nuk ia vlen të dal për të drejtat e mia. Se një vend më i zhvilluar mund të më ofrojë më shumë me më pak strese, por ky është dorëzim dhe duhet shmangur, pasi ky vend ka nevojë për ne.”/CNA.al

Lajmet e fundit nga