LEXO PA REKLAMA!

SHKARKO APP

“Shqiptarët nuk janë hakmarrës”/ Alibeaj habit me argumentin e tij për hapjen e dosjeve

21 Shtator 2022, 12:39, Politikë CNA
“Shqiptarët nuk janë hakmarrës”/ Alibeaj habit me
Enkelejd Alibeaj

Kreu i Grupit Parlamentar të PD-së, Enkelejd Alibeaj, gjatë mbledhjes së Komisionit të Ligjeve, theksoi se shqiptarët duhet të njihen me të vërteën për të shkuarën.

Sipas tij, nisma për deklasifikimin e dokumenteve, nuk do të çonte në hakmarrje mes qytetarëve, pasi shqiptarët nuk janë hakmarrës.

 “Historia ka provuar se shqiptarët nuk janë hakmarrës. Ajo pjesë që ka pësuar që ka vuajtur ka treguar se nuk janë hakmarrës. Nuk kanë urrejtje, kanë vetëm një kërkesë: të drejtën për të njohur të vërtetën se çfarë ka ndodhur. Është detyrimi ynë që si ligjvënës të ndërtojmë mekanizma ligjorë të nevojshëm, për atë që ne përfaqësojmë.

Ne besojmë se këto janë përpjekje të pamjaftueshme. Për shumëkënd hapja e dosjeve ka qenë një diskutim i parakohshëm, që mund të shtynte shqiptarët drejt hakmarrjes. Ky skepticizëm ka rezultuar se nuk është i vërtetë. Askush nuk ka kërkuar hakmarrje. Një gjë ka ngelur, interesi për të ditur të vërtetën. Ka ngelur edhe psikoza e shantazhit. Shoqëria shqiptare e këtyre 30 viteve ka ngelur në gjurmët e koshiencës që ishte një situatë jo e mirë ajo se çfarë ka ndodhur përgjatë periudhës së sistemit komunist.

Në emër të grupit parlamentar të PD-së paraqesim këto amendamente që çdo qytetari t’i jepet e drejta për të njohur historinë e regjimit komunist”, deklaroi Alibeaj./CNA.al

 

Lajmet e fundit nga