web counter
LEXO PA REKLAMA!

SHKARKO APP

App Store
Google Play

E fundit!

x

Kandidati i inceneratorëve flet si fitues/ Më preferon elektorati gri, modeli im është ndryshe

31 Tetor 2022, 22:18, Politikë CNA
Kandidati i inceneratorëve flet si fitues/ Më preferon elektorati gri,
Kandidati i inceneratorëve në primaret e Partisë Demokratike për Tiranën, Gerti Bogdani

Kandidati i inceneratorëve në primaret e Partisë Demokratike për Tiranën, Gerti Bogdani, ka folur mbrëmjen e sotme për garën.

Bogdani tha me bindje në "Syri TV" se është kandidati i preferuar nga elektorati gri.

"Sfida në terren është e provuar. Çdo ditë kam qenë në fushatë për PD-në, që nga dita kur kam hyrë në PD me ftesë të Sali Berishës në KOP, e deri sot që po flasim. Pas 25 prillit 2021, PD duhet të fillonte të merrej me zgjedhjet lokale, jemi të vonuar në këtë pjesë.

Nëse ne fitojmë Bashkinë e Tiranës ose çdo bashki në vend, hiq Shkodrën, ty të duhen votat e PD-së, të anëtarësisë, por të duhen edhe votat përtej saj. Pse pjesa gri më preferon mua? Unë prej një viti merrem me këta njerëz, i takoj, diskutoj. Kandidatura ime dje, vjen pas një diskutimi të gjatë dhe të gjerë me këta njerëz. I kam dhënë provat në vitin 2007", u shpreh ai.

Më tej, kandidati i inceneratorëve hodhi akuza ndaj kryebashkiakut të Tiranës, Erion Veliaj, dhe deklaroi se modeli i tij është totalisht ndryshe.

"Erion Veliaj është e keqja e Tiranës. S'ka rëndësi kush del nga primaret, por të dalë një PD e bashkuar. Jam ftuar në PD nga Sali Berisha. Kam mbajtur qëndrim korrekt me të gjithë demokratët.

Sfida që kemi përpara nuk bëhet nëse s'jemi të gjithë bashkë. Kam mbështetjen e çdo demokrati të Tiranës. Kam besimin që baza e PD-së do të jetë e bashkuar në fushatë.

Modeli im është totalisht ndryshe. Veliaj ka firmosur mijëra leje ndërtimi. Në radhë të parë, do të jem një model që qeveris me nivel e transparencë. Do jem një model për qytetarët”, theksoi Bogdani./ B.A. – CNA.al





Lajmet e fundit nga