web counter
LEXO PA REKLAMA!

SHKARKO APP

App Store
Google Play

Ja sa vota morën aleatët e PD në Tiranë

19 Maj 2025, 21:40, Politikë CNA

Ja sa vota morën aleatët e PD në Tiranë

Numërimi i votave brenda vendit për qarkun Tiranë është mbyllur. Koalicioni PD-ASHM mori në total për këtë qark 151,157 vota, pa përfshirë votat e diasporës.

Ja sa vota morën aleatët e PD në Tiranë

Por sa vota morën aleatët e Partisë Demokratike në qarkun e Tiranës?

Referuar të dhënave të publikuara nga KQZ, dy aleatët e PD, Ilir Meta dhe Shpëtim Idrizi që garonin në listë të hapur, morën të dy në total gati 10 mijë vota, madje gati 9500 vota, duke mos llogaritur këtu votat e diasporës.

 

Ndërkohë që këto dy parti kanë marrë në Tiranë 3 mandate deputetësh. Tedi Blushi dhe Erisa Xhixho nga PL si dhe Mesila Doda nga PDIU kanë fituar mandatin e deputetit si pjesë e listës së mbyllur të koalicionit PD-ASHM. Pra kanë marrë tre deputetë vetëm në qarkun e Tiranës dhe i kanë sjellë Partisë Demokratike vetëm 10 mijë vota.

Po të shikosh të dhënat, Partia Demokratike ka marrë në Tiranë 150 mijë vota, nga këto Shpëtim Idrizi dhe Ilir Meta kanë marrë respektivisht Idrizi 1900 vota dhe Meta 7600 vota.

Ja sa vota morën aleatët e PD në Tiranë

 

Ja sa vota morën aleatët e PD në Tiranë

Po ta llogaritim, 151 mijë vota, pjesëtuar me 13 mandate që ka fituar opozita në Tiranë, rezulton se për të marrë një mandat duheshin 11 mijë e 600 vota. Ndërkohë që Shpëtim Idrizi bashkë me Ilir Metën së bashku kanë marrë rreth 9,500 vota dhe brenda kanë tre mandate. Për tre mandate do të duheshin rreth 34 mijë e 800 vota që të merreshin 2 mandatet e PL dhe një i PDIU.

Ndërkohë që i kanë sjellë opozitës vetëm 9,500 vota, pa përfshirë votat e diasporës.

Deputetët e PL dhe PDIU janë totalisht të paligjshëm dhe të pajustifikueshëm për koalicionin opozitar. Në një vend normal demokratik do të kishin dhënë dorëheqjen./ CNA





Lajmet e fundit nga