web counter
LEXO PA REKLAMA!

SHKARKO APP

App Store
Google Play

Inceneratori i Tiranës/ Këlliçi zbulon dokumentin me firmën e Veliajt: Duhet të shkojë në burg

8 Shtator 2022, 22:40, Politikë CNA
Inceneratori i Tiranës/ Këlliçi zbulon dokumentin me
Deputeti i Partisë Demokratike, Belind Këlliçi

Deputeti i Partisë Demokratike, Belind Këlliçi, tregoi mbrëmjen e sotme një dokument që mban firmën e kryebashkiakut të Tiranës, Erion Veliaj.

Këlliçi pretendon se dokumenti vërteton shpërdorimin e detyrës së Veliajt, lidhur me inceneratorin e Tiranës.

Ai deklaroi se këtë dokument PD e ka depozituar edhe në kallëzimin që ka bërë në SPAK, ndërsa kërkoi arrestimin e kryebashkiakut të Tiranës.

“Veliaj në rastin më të pakët të kallëzohet për shpërdorim detyre për shkelje të ligjit të vetëqeverisjes vendore për rastin e inceneratorit të Tiranës. E kemi depozituar në kallëzimin e PD, edhe në Komisionin Hetimor në SPAK si provë për tu administruar.

Kam shkresën tjetër për të cilën jemi rast unikal mbase në botë që për të njëjtin akt, një prej zyrtarëve shkon në burg, me këtë shkresë Lefter Koka ka shkuar në burg, shkresa e Agjencisë së Prokurimit Publik që njofton se procedura për inceneratorin e Elbasanit  nuk ekziston në ligj, për të njëjtën shkresë, Koka shkon në burg, prova kryesore, dhe për Engjëll Agaçin që ka qenë në dijeni, s’ka asnjë masë.

Frika e Ramës se shtatori erdhi dhe SPAK duhet të reagojë se ka bilanc katastrofal për të çuar peshqit e mëdhenj para drejtësisë”, theksoi Këlliçi./ B.A. - CNA.al





Lajmet e fundit nga