E fundit!

08:09 Shëndeti

Të ftohurit nga korrenti pas djersitjes, nuk është thjesht një mit gjyshesh, por një kërcënim real

A ju ka nxitur ndonjëherë kureshtja se si reagon trupi...

Gazetari i Irfan Hysenbelliut “kapërcen” ylberin/ Zbulohet “halli” i madh i biznesmenit

13 Korrik 2022, 10:21, Politikë CNA

Gazetari i Irfan Hysenbelliut “kapërcen” ylberin/ Zbulohet

Gazetari i kthyer në analist, i emëruar drejtor në "News 24", Robert Rakipllari, shërbëtori i përkushtuar i Irfan Hysenbelliut, dy ditë më parë ka pasur një debat me ish-kryeministrin Sali Berisha.

Gjatë një bisede në emisionin “Open”, Rakipllari ka tentuar të bëjë rolin e gazetarit “opozitar”, edhe pse në fakt media për të cilën punon për vite me radhë, ka qenë shumë larg të qenit opozitare.

Për më tepër, Rakipllari harron se punon për një media, e cila është paguar nga paratë e kompanive të inceneratorëve, një ndër koncesionet më të akuzuara, ku korrupsioni është tashmë i provuar nga drejtësia.

Mediat e Irfan Hysenbelliut, përtej pretendimeve se janë në misionin e tyre, në fakt nuk kanë asnjë sulm të drejtpërdrejtë kundër kryeministrit, por merren me drejtorë të institucioneve të ndryshme, sa herë që i preken interesat e tij.

Borxhet e Irfan Hysenbelliut/ Ja sa miliarda ka detyrime në shtet
29 Maj, 10:30

Një ndër këto raste është pikërisht sulmi ndaj Tatimeve, gjë që në fakt çon në dyshime se shkak për këtë sulm janë pikërisht borxhet e Irfan Hysenbelliut te Tatimet, që kapin shifra rreth 2 miliardë lekë, me kompanitë e tij.

Por, ndërkohë mbrëmjen e djeshme gjatë debatit në studio, ndërsa flitej në lidhje me koncesionet e Rilindjes, gazetari Rakipllari ka tentuar të heqë një paralele me një ndër koncesionet e Qeverisë “Berisha”.

Gazetari Mentor Kikia duke folur për koncesionet e Qeverisë “Rama”, tha se janë bërë koncesione me ligj.

Dhe “rastësisht”, Rakipllari ka risjellë në vëmendje koncesionin për pullat fiskale.

Gazetari i Irfan Hysenbelliut “kapërcen” ylberin/ Zbulohet

“Siç është bërë koncesioni i pullave fiskale në qeverinë e Berishës”.-tha Rakipllari.

Nga ana tjetër, Berisha i është përgjigjur se: “Pullat fiskale i përdor çdo vend. Shiko, ti je gazetar dhe nëse gjen ndonjë tender që nuk është shpallur me garë dhe nuk është shpallë në gazetat ndërkombëtare hajde më thuaj mua. Mori Blairin dhe i tha ajo që është i rregullt dhe po e prishe këtë do të marrësh 300 milionë gjobë. Shiko Mentor, ONCD ka një departament kundër korrupsionit të posaçëm dhe prish çdo koncesion të kompanive të mëdha. OECD është shumë serioze.”

Por, populli ka një shprehje “shkon gjuha ku dhemb, dhëmbi”. Dhe duket se “pullat fiskale” janë “meraku” i madh i biznesmenit që fshihet pas mediave.

Irfan Hysenbelliu “rastësisht” sulmon koncesionin për pullat fiskale, sepse preken bizneset e tij, që nga birra që shet.

Sepse në çdo shishe ka pullë fiskale, nëpërmjet së cilës ndalohet evazioni fiskal, kontrollohet akciza, taksat e të gjitha lëvizjet e biznesit që ai bën.

Dhe për këtë nxjerr në media drejtorin e tij duke sulmuar një koncesion, i cili është bërë me garë të hapur./CNA.al