web counter
LEXO PA REKLAMA!

SHKARKO APP

App Store
Google Play

Fshiu njoftimin e Bardhit dhe bllokoi mesazhet në “WhatsApp”/ Justifikohet Endri Hasa

17 Shtator 2023, 19:05, Politikë CNA
Fshiu njoftimin e Bardhit dhe bllokoi mesazhet në “WhatsApp”/
Endri Hasa

Gazment Bardhi bëri sot një njoftim për mbledhjen e radhës në grupin e “WhatsApp” të deputetëve të PD-së, por ky mesazh u fshi nga specialisti i rrjeteve sociale të Lulzim Bashës, Endri Hasa.

Pas kësaj, Endri Hasa në shenjë hakmarrjeje ndaj qëndrimeve të fundit të Bardhit dhe të disa deputetëve, i hoqi atyre të drejtën të komunikojnë me njëri-tjetrin, duke bllokuar mesazhet.

Ky veprim solli largimin e disa deputetëve nga grupi i përbashkët i “WhatsApp”. Tashmë, për këtë çështje ka ardhur një reagim nga vetë Endri Hasa.

Specialisti i rrjeteve sociale të Lulit ka justifikuar veprimin e tij, duke cilësuar si lajm të rremë situatën e krijuar në grupin e “WhatsApp”.

Sipas tij, Bardhi sulmon PD-në, institucionet dhe drejtuesit e saj për interesa personale.

“Sot nëpër media ka qarkulluar një lajm i rremë i prodhuar nga deputeti Gazment Bardhi. Tashmë është e njohur nga të gjithë përpjekja e tij, që për interesa personale sulmon PD-në, institucionet dhe drejtuesit e saj.

Z. Bardhi nuk është hequr nga asnjë grup 'WhatsApp'-i të administruar nga Partia Demokratike.

Ai thjesht nuk është më administrator i grupit të 'WhatsApp'-it, pasi tashmë ai nuk ka asnjë funksion, as në grupin parlamentar, as në PD.

Drejtimi i Grupit Parlamentar të Partisë Demokratike, në zbatim të statutit, i është deleguar znj. Flutura Açka, e cila koordinon prej ditës së enjte veprimtarinë e grupit.

Këto janë përpjekje qesharake të një njeriu që për interesat e tij personale kërkon të hedhë baltë dhe të dëmtojnë PD-në.

Koha kur PD-ja merrej zvarrë për interesa personale ka marrë fund, tani secili duhet të mbajë përgjegjësi për veprimet e veta dhe për rrugën që ka zgjedhur.

Asnjë flirt, i disa individëve me Berishën apo me Ramën, nuk do të arrijë më, të dëmtojë interesat e PD-së, demokratëve dhe shqiptarëve që presin një alternativë të re, luftën kundër korrupsionit dhe një partneritet të ngushtë me SHBA-në, Britaninë e Madhe dhe BE-në”, shkruan Hasa në rrjetet e tij sociale./ CNA

Fshiu njoftimin e Bardhit dhe bllokoi mesazhet në “WhatsApp”/





Lajmet e fundit nga