web counter
LEXO PA REKLAMA!

SHKARKO APP

App Store
Google Play

E fundit!

x

Erion Braçe bashkoi votën me opozitën, por edhe ai si Jorida, sheh veç interesin e vet

17 Shtator 2025, 15:27, Politikë CNA

Erion Braçe bashkoi votën me opozitën, por edhe ai si Jorida,

Erion Braçe ishte deputeti i PS, i cili nuk i votoi komisionet e reja parlamentare.

I lënë jashtë qeverisë, i papropozuar në asnjë organ të ri të Kuvendit dhe në asnjë funksion në komisionet e reja parlamentare, Erion Braçe në mandatin e nëntë beson se i kanë ende borxhe.

Njeriu që vrapoi të deklaronte se në zgjedhje kishte punuar për t'i mbledhur vota Jorida Tabakut, deputeti që e përdor “Facebook”-un e vet për interesa të dyshimta në “beteja” që shuhen pas një ose 2 “sulmesh”, kandidati që u përpoq të fuste ujë nën rrogoz listës së Fierit, u shfaq qejfmbetur se nuk i dhanë edhe postin dhe nuk e bënë strukturën e Komisioneve në funksion të tij.

Prononcimi i Erion Braçes i shpjegon vetë të gjitha.

“Lidhet me atë punë që u bë në vitin e fundit të legjislaturës së shkuar këtu në Kuvend për çështjet e dezinformimit, keqinformimit, ndërhyrjeve të huaja keqdashëse në shoqëri dhe në ekonomi. Kjo këtu është strategjia, dokumenti më i mirë që Kuvendi mund të ketë miratuar gjatë legjislaturës së shkuar.

Një strategji e hartuar jo vetëm me ekspertë vendas, por edhe me asistencën e plotë të Komisionit Europian, të Bashkimit Europian, të OSBE edhe të shumë faktorëve të tjerë të rëndësishëm që e kanë prioritet çështjet e dezinformimit, keqinformimit dhe ndërhyrjeve të huaja keqdashëse. Për një periudhë kohe e kishim dhe ne, u mor me vrull të madh, u thirra unë, duhet ta bësh ti këtë gjë se ti di ta bësh.

Pastaj as ndihmoi kush, as foli kush, as e lexoi kush dhe as e vlerësoi kush punën që u bë dhe dokumentin që u miratua. Por në udhërrëfyesin që shoqëron dokumentin, thuhet qartë dhe është votuar në Kuvend që do të ketë një komision parlamentar pikërisht për këtë çështje. Tani që gjithë puna e bërë, dokumenti po vlejnë si shembull edhe për vende rreth e qark nesh, tani zhduket propozimi, zhduket komisioni.

Arsyeja e dytë, patjetër që isha kundër asaj liste komisionesh që m’u duk thuajse e personalizuar dhe klienteliste në kushtet kur parimisht një komision i vlerësuar si i domosdoshëm zhduket nga ajo listë. Unë nuk kisha absolutisht asnjë pretendim personal. Nuk i kërkova kujt, për më tepër atij që vendos për të tilla gjëra që të isha unë kryetari i këtij komisioni apo i ndonjë komisioni tjetër. Unë mendoj që çështja e dezinformimit dhe ndërhyrjeve të huaja keqdashëse në shoqëri, ekonomi e zgjedhje, është një çështje që nuk ka ndryshuar. Kjo ishte arsyeja”./CNA





Lajmet e fundit nga