web counter
LEXO PA REKLAMA!

SHKARKO APP

App Store
Google Play

Jorida Tabaku ua ka borxh atyre që e votuan që të kandidojë për Bashkinë e Tiranës

16 Shtator 2025, 10:46, Politikë CNA

Jorida Tabaku ua ka borxh atyre që e votuan që të kandidojë
Gjatë gjithë fushatës, Jorida në çdo takim me votues, por sidomos me sponsorë, theksonte se ajo duhej të ishte patjetër në Kuvend sepse do të kandidonte për kryetare të Bashkisë Tiranë.


Me këtë "argument" Jorida mbështeste nevojën e saj që ata të tjerët ta mbështesnin me ato që kishin, kush me votë e kush me fonde.
Më pas, kur zgjedhjet mbaruan, edhe përfaqësues të PS-së deklaruan kush me nëntekst e kush drejtpërdrejt se e kishin ndihmuar Joridën që të fitonte mandatin.

 

Blendi Gonxhja, që është ai tipi që po nuk e tregoi i duket sikur nuk e ka bërë, nuk vonoi shumë pasi dolën rezultatet, që të përgëzonte Joridën për fitoren.

Erjon Braçe shkoi edhe më tej dhe deklaroi se ai kishte ndihmuar Tabakun me vota gjatë votimeve për Tiranën. Me atë rast "bënte me dije" ata që duhej, që ai ndihmonte kë të donte dhe kishte zgjedhur Joridën.
Tani Jorida u bë deputete!


Ndërkohë Rama ka nxjerrë kandidaturën e vet për Tiranën.

Është po aq tironse sa Jorida, po aq e kompletuar sa Jorida, por nuk ka dalë nga lista e hapur si Jorida. Pra, askush nuk e ka ndihmuar me premtimin që do të ishte kandidate për Bashkinë Tiranë.


Në garën për Tiranën, pra, PD dhe opozita nuk kanë më mirë sesa Tabaku. Ka dalë nga listat e hapura, është po aq femër sa kandidatja e Ramës e mbi të gjitha ka edhe mbështetjen e disa eksponentëve të PS-së ku në krye të listës qëndron deputeti Erjon Braçe, (i cili mbështet atë që do).

Sidomos tani që nuk janë më shokë as me Fatmir Xhafajn. Blendi Gonxhja mbeti ministër e si i tillë mund t'i ripërsërisë porositë për strukturat në administrim.
Edhe ca ish-drejtorë të Veliajt mund të riangazhohen për votat e Joridës andej nga Njësia 2.
Nëse PD ka në plan të fitojë Tiranën, Jorida i ka të gjithë shanset pas vetes, përfshirë bizneset e përfshira në aferat e dherave me inceneratorin e Tiranës.


Ndaj opozita duhet të bëhet pragmatiste.
Dhe e fundit nga radha, por e para për nga rëndësia, Jorida duhet të mbajë premtimin.

Tani që u bë deputete duhet të kandidojë për Bashkinë e Tiranës. Politikani njihet nga sa e mban fjalën. E Jorida nuk ka për të pasur më rast për këtë!/CNA





Lajmet e fundit nga