web counter
LEXO PA REKLAMA!

SHKARKO APP

App Store
Google Play

E fundit!

x

Gara për Bashkinë e Tiranës/ Tabaku i përgjigjet pyetjes së CNA-së: E njoh mirë, por beteja ime është në Parlament

17 Shtator 2025, 09:17, Politikë CNA

Gara për Bashkinë e Tiranës/ Tabaku i përgjigjet pyetjes

Pas shpalljes së kandidaturës së Ramës për Bashkinë e Tiranës, i cili bëri me dije se do të ishte Ogerta Manastirliu, CNA nxori dy kandidatët e mundshëm nga opozita për garën për Bashkinë e Tiranës, Ilir Alimehmetin dhe Jorida Tabakun.

Pak ditë më parë, CNA kontaktoi Tabakun për ta pyetur nëse do të kandidonte për Bashkinë e Tiranës, pyetje së cilës i është përgjigjur në "A Krasta Show".

Tabaku ka deklaruar se betejën e ka në parlament pas zgjedhjes së saj si deputete dhe nuk preferon t’i lërë gjërat në mes.

“E dua shumë Tiranën, jo si qytet ku jam lindur e rritur, apo si vajzë e këtij qyteti. Ajo që ngjiti në Tiranë ishte, kur më thonin ‘gocë tirone’. Kur mora betejën për deputete, e bëra për betejën në Parlament dhe gjërat s’i lë në mes. Do të bëj maksimumin për të përfaqësuar PD-në dhe ata që më votuan. Bashkia ka nevojë për ndryshimin e sistemit se si funksionon. Dhe kjo nuk bëhet me ndërrim kryetarësh. Po duhet ndryshuar mënyra se si funksionon, koka, struktura... nuk zgjidhet duke hequr X apo Y nga e majta. Është kaq arrogante mënyra se si po e bëjnë, duke e mbajtur Bashkinë e Tiranës për 4 muaj. Ndoshta është limon i shtrydhur dhe s’kanë më kë të marrin e të gjenerojnë për ta vënë në Bashkinë e Tiranës. Këtë mënyrë të sjelluri duhet ta ndryshojmë”, ka deklaruar Tabaku, duke përjashtuar kështu mundësinë e kandidimit për Bashkinë e Tiranës.

Sipas Tabakut, edhe pse e njeh shumë mirë, Bashkia e Tiranës nuk është në ambiciet e saj. Ajo tha se duke qenë se ka ndarë garën e fundit me të, Alimehmeti është një figurë e mirë për të kandiduar për Bashkinë e Tiranës krahas Manastirliut.

"PD ka figura të mira edhe elektorale. Mund të jenë ata që morën votat nga Primare. Copëzimi i opozitës, minimizoi PD-në. Unë s’jam për garën e Bashkisë së Tiranës, kam fituar garë tjetër 100%. S’është bashkia në ambiciet e mia, e njoh e bëj shumë mirë, fokusi im është në Parlament. Ka shumë emra, ndava hapat e fundit në garë me Ilir Alimehmetin, që është figurë e mirë. E nevojshme është që në garë të gjithë të ngrihen bashkë kundër këtij sistemi. S’është gjë e thjeshtë të mundësh gjithë këtë, kjo kërkon të ngrihemi të gjithë. Një kandidaturë me një ekip nga pas. Qytetarët na kërkojnë të ngrihemi në këmbë", është shprehur Tabaku./ CNA

 





Lajmet e fundit nga