web counter
LEXO PA REKLAMA!

SHKARKO APP

App Store
Google Play

“Duhet çuar përpara fryma europiane”/ Rama: Pa BE-në, do prisnim me vite që demokracia të funksionojë

16 Shtator 2025, 20:09, Politikë CNA

“Duhet çuar përpara fryma europiane”/ Rama: Pa

Kryeministri Edi Rama ndodhet mbrëmjen e sotme në Kolegjin e Europës në Bruzh.

Në fjalën e tij para të pranishmëve, Rama u ndal te roli i Bashkimit Europian për Shqipërinë dhe rajonin.

Rama theksoi se pa BE-në, vendi do të priste me vite që të funksiononte demokracia dhe rendi i ligjit.

“Ngurrova të vij këtu sepse të qëndrosh këtu në Bruzh është shumë më e vështirë se të qëndrosh në Bruksel. Do të thotë të qëndrosh përballë historisë dhe legjendave dhe nuk është e lehtë kjo përballje.

Para çdo dijeje, duhet çuar përpara fryma e BE-së. Për mua është e lehtë të shpjegoj sesa e lehtë është që kjo frymë të minohet, të numërohen kufijtë që ndajnë njerëzit.

Historia na kujton se kalimi në një epokë të re do të jetë i dhimbshëm. I përkasim brezit, që diktatura u maskua si rend, frika e maskuar si normalitet dhe izolim i maskuar si sovranitet. Kjo gdhendi në kujtesë sesa e rëndë është liria. Demokracia dhe rendi i ligjit kërkojnë dekada.  

Demokracia është më shumë se liria. Falë Zotit, ekziston BE-ja. Pa të do të prisnim me qindra vite që demokracia të funksionojë. Është bekim që e kemi në Shqipëri dhe rajon”,-tha Rama./CNA





Lajmet e fundit nga