E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

"Fillim dramatik"/ Berisha: Opozitës iu ngushtua hapësira e komunikimit me ndërkombëtarët

16 Shtator 2025, 14:38, Politikë CNA

"Fillim dramatik"/ Berisha: Opozitës iu ngushtua hapësira e

Kryedemokrati Sali Berisha, në nisje të mbledhjes së Grupit Parlamentar të PD-së, komentoi seancën e ditës së sotme në Kuvend ku u miratia struktura e re me 11 komisione.

Për Berishën kjo ishte një nisje dramatike dhe tha se dënon këtë akt të zëvendësimit të Kushtetutës, rregullores dhe shtetit ligjor me narkoshtetin.

Kreu i PD-së tha se u veprua në mënyrë antikushtetuese me Komisionin e Integrimit dhe se ky akt flagrant ngushton hapësirat e komunikimit të opozitës me komunitetin ndërkombëtar.

"Ishte një fillim dramatik dhe nuk mund të ishte ndryshe nga individë që janë përfaqësues të karteleve të drogës, korrupsionit dhe vjedhjes së shqiptarëve.

Të vendosësh një parlament dhe jetën e tij në shkelje të rëndë të Kushtetutës dhe rregullores është një akt madhor, i papërgjegjshëm, është një atentat i rëndë ndaj rendit kushtetues të vendit, kushtetutshmërisë dhe shtetit ligjor.

Është një dëshmi tjetër e zëvendësimit në këtë vend të shtetit ligjor me narkoshtetin.

Në këtë kontekst unë e dënoj me forcën më të madhe një akt të tillë, një fillim të tillë dhe ndryshe nuk mund të ishte nga ky grup njerëzish.

Imagjinoni ju se çfarë janë të aftë të bëjnë. U shkel Kushtetuta, u shkel rregullorja e Parlamentit, institucionit më të rëndësishëm pas Kushtetutës në Shqipëri.

Është institucioni numër 1 kushtetues i vendit dhe rregullorja e tij është ligji më i rëndësishëm pas Kushtetutës.

U procedua në mënyrë antikushtetuese dhe antirregullore.

Por edhe me ndryshimet që iu bënë komisioneve përbëjnë një akt flagrant të ngushtojnë hapësirat e komunikimit të opozitës në komunitetin ndërkombëtar.

Pa diskutim Komisioni i Integrimit ishte komisioni në të cilën opozita do të paraqiste të gjitha qëndrimet e saj në interes të procesit të integrimit," deklaroi Berisha./CNA