E fundit!

19:42 Aktualitet

52 ditë protestë kundër qeverisë/ Qytetarët marshojnë drejt Kryeministrisë

Në sheshin “Skënderbej” janë grumbulluar qytetarët për pro...

PD kallëzim në SPAK/ "Kërkojmë shkarkimin dhe procedimin e Irena Gjokës, Manja pengoi zbardhjen e së vërtetës"

16 Shtator 2025, 11:19, Politikë CNA

PD kallëzim në SPAK/ "Kërkojmë shkarkimin dhe

Kryetarja e Apelimit në Partinë Demokratike, Adriana Kalaja, ka kallëzuar në SPAK gjyqtaren Irena Gjoka dhe ish-ministrin e Drejtësisë, Ulsi Manja.

Kalaja tha se Irena Gjoka, edhe pse ishte në dijeni të ekspulsit dhe dënimit nga shteti grek, gënjeu edhe para vetingut.

Ndërsa për sa i përket ish-ministrit Manja, Kalaja tha se Manjën e kanë kallëzuar për shpërdorim detyre dhe pengim të zbardhjes së të vërtetës referuar shkresës së Prokurorisë së Përgjithshme. Kalaja paraqiti shkresën e prokurorisë ku ky institucion në kthimin e përgjigjes për rastin e gjyqtares Irena Gjoka është shprehur se si procedurë për letërporosi i drejtohet Ministrisë së Drejtësisë dhe ky institucion letërporosinë e ka nisur në Athinë e jo në Janinë.

"Irena Gjoka e dënuar dy herë në shtetin grek, ka marrë dy herë ekspuls në shtetin grek.

Irena Gjoka ka qenë në dijeni për ekspulset dhe ka gënjyer për dënimin dhe për ekspulsin, ka gënjyer edhe në procesin e vetingut.

SPAK duhet ta kishte marrë shkresën kryesisht. Shkresa e publikuar nga Berisha është autentike, është e formës së prerë nga gjykata e Janinës.

Sot kemi depozituar kthimin e përgjigjes së Prokurorisë së Përgjithshme.

Konfirmimi ka ardhur që më 15 korrik, më saktë ka ardhur përgjigjja e parë në maj e më pas konfirmimi i Ministrisë së Drejtësisë në korrik.

Kërkojmë shkarkimin e Irena Gjokës dhe nisjen e procedimit penal.

Për sa i përket ministrit në detyrë, Ulsi Manja ka shpërdoruar detyrën dhe ka penguar zbulimin e së vërtetës.

Ulsi Manja është kallëzuar tashmë prej nesh, sepse kur Prokuroria e Përgjithshme i është drejtuar Ministrisë së Drejtësisë për letërporosi ndaj institucioneve të huaja, ka kërkuar informacion të vazhdueshëm, por Manja ka devijuar kërkesën duke e çuar në Gjykatën e Athinës e jo të Janinës, duke u përpjekur të amnistojë Irena Gjokën", tha Kalaja./CNA