web counter
LEXO PA REKLAMA!

SHKARKO APP

App Store
Google Play

“Kemi republikë kryeministrore”/ Mediu: Ndryshimet në Kushtetutë, kontroll i Kuvendit dhe opozitës

16 Shtator 2025, 21:47, Politikë CNA

“Kemi republikë kryeministrore”/ Mediu: Ndryshimet në

Kreu i Partisë Republikane, Fatmir Mediu u shpreh sot se opozita është e rrezikuar nga ndryshimet e reja që bien ndesh me Kushtetutën, që synojnë kontroll jo vetëm të Kuvendit, por edhe të opozitës.

I ftuar në emisionin ‘Log.’, Mediu tha se vendi ndodhet nën një republikë kryeministrore.

Sipas Mediut, një tjetër shqetësim është edhe gjendja e Parlamentit, që e konsideroi si në degradim e sipër.

“Një nga shqetësimet më të mëdha të SHBA-së dhe që e ka përcjellë edhe ambasada amerikane në Tiranë janë kartelet e drogës. Shumë shqiptarë janë të përfshirë në trafiqe në Amerikën e Jugut. Kjo i është thënë edhe kreut të SPAK në vizitën e fundit në SHBA. Ky Parlament po degradon gjithnjë e më shumë. Kjo tashmë është një republikë kryeministrore. Me ndryshimet që bën jo vetëm që bien ndesh me Kushtetutën, por kërkon të kontrollojë gjithë Kuvendin, përfshi edhe opozitën. Konstutimi i komisioneve duhej diskutuar. Ai është deputet i zgjedhur dhe nuk mund të kontrollojë Parlamentin, duhet të jetë e kundërta. Parlamenti nuk është vetëm debat, nuk më ka proces ligjbërës”,-tha Mediu./CNA





Lajmet e fundit nga