web counter
LEXO PA REKLAMA!

SHKARKO APP

App Store
Google Play

Shkrim kundër Berishës/ Gjekmarkaj "gjen pretekst": Pasion i momentit

16 Shtator 2025, 22:19, Politikë CNA

Shkrim kundër Berishës/ Gjekmarkaj "gjen pretekst": Pasion i

Nënkryetari i Parlamentit, Agron Gjekmarkaj i ftuar në A2 CNN, u vu përballë një shkrimi të tij nga Andrea Danglli. Shkrim në të cilin, Gjekmarkaj thoshte se demokratët nuk janë dele dhe as nuk po kërkojnë një bari.

“Demokratët nuk janë dele dhe nuk po kërkojnë një bari”, shkruante Gjekmarkaj dikur.

Gazetari Danglli e pyeti Gjekmarkajn se çfarë ka ndryshuar tani që ai mbështet Berishën, demokratët u bënë dele të bindura apo kryedemokrati nuk është më çoban.

Nënkryetari i Parlamentit u justifikua se atëherë ka qenë në një situatë emocionale të cilën tani e ka tejkaluar.

Shkrimin e asaj kohe, Gjekmarkaj e cilësoi si pasion të momentit dhe tha se Berisha është dëshmuar për herë të dytë në madhështinë e opozitës.

“Nuk besoj që të ushqejmë të tashmen me të shkuarën sepse ne e kemi tejkaluar të gjithë situatën emocionale ku kemi qenë. Atë të konfliktit, qoftë edhe kur kemi shkruar edhe kur kemi folur. Kemi patur pasionet e momentit se njerëz jemi. Por di të them se Sali Berisha është dëshmuar për herë të dytë në lartësinë e madhe të historisë, njëherë në dhjetorin e 90’ duke udhëhequr revolucionin, tani duke shpëtuar pluralizimin dhe PD pa llogaritur një pafundësi të madhe shërbimesh që i ka bërë vendit si Kryeministër apo President”, u shpreh Gjekmarkaj./CNA





Lajmet e fundit nga