web counter
LEXO PA REKLAMA!

SHKARKO APP

App Store
Google Play

Berisha “shigjeton” SHBA-në dhe Britaninë/ “Nuk nxorën asnjë provë kundër meje në 2 vite”

18 Janar 2024, 19:14, Politikë CNA
Berisha “shigjeton” SHBA-në dhe Britaninë/ “Nuk
Ish-kryeministri Sali Berisha

Ish-kryeministri Sali Berisha sulmoi SHBA-në dhe Britaninë, teksa përmendi sanksionin “non-grata” në protestën që u zhvillua në rrugën “Mustafa Matohiti”.

Berisha tha se në dy vite, qeveritë më të fuqishme të botës nuk nxorën asnjë provë kundër tij.

Kryedemokrati deklaroi se do të mbrojë të vërtetën dhe interesin e vendit, ndërsa theksoi se në përballjet e tij ka pasur gjithmonë mbështetjen e demokratëve dhe qytetarëve.

“Të dashur miq, atë ditë që unë kam vendosur të nis foltoret, njerëz të mi të afërt më pyetën: Sali, a je i sigurt që do kesh mbështetje?

Përgjigjia ime ishte kjo: Unë kam besim se do kem mbështetje, por edhe sikur dhjetë vetë të vijnë, unë do të shkoj në atë takim dhe do mbroj të vërtetat që do mbroj. Të dashur miq, pra, dy vite më parë u zhvillua një betejë e paparë midis korrupsionit dhe antikorrupsionit të Sali Berishës.

Gjithnjë i hapur, gjithnjë i sinqertë, gjithnjë duke deklaruar se një dokument, një fakt, një provë të vetme po gjetën, Sali Berisha largohet nga politika. Por ju e patë, se qeveritë më të fuqishme të botës, në dy vite nuk nxorën dot asnjë fakt, asnjë dokument, asnjë provë.

Kurse unë qëndrova në të vërtetën që besoj, qëndrova në mbrojtjen e interesit të tuaj, në mbrojtjen e interesit të këtij vendi, të cilin e duan shumë miqtë, e duan shumë partnerët, por kurrë më shumë se ju dhe Sali Berisha.

Dje unë fola për Skënderbeun. Vite drite jemi larg prijësit të përjetshëm. Por secili prej nesh ka një copë të shpirtit të tij në shpirtin tonë. Secili nga ne ka një copë të zemrës së tij në zemrën tonë. Secili nga ne ka një grimcë të qëndresës së tij në qëndresën tonë.

Miqtë e mi, pasi humbën betejën me shpalljet non-grata mbi baza të korrupsionit transnacional, pa asnjë provë, fakt apo dokument, Edi Rama kaloi në një praktikë tjetër të shpifjeve dhe trillimeve nga më të ulëtat. Me mediat e tij, me lakejtë e tij, me puthadorët e tij çfarë nuk sajoi, dhe arritën te kulla 64-katëshe e Tiranës. Vetëm sa nuk e emëruan kulla e Sali Berishës”, thekso ai ndër të tjera./ CNA





Lajmet e fundit nga