web counter
LEXO PA REKLAMA!

SHKARKO APP

App Store
Google Play

Bardhi "ia bën 8 me 2" Bashës/ "Hajde në Parlament, paguhesh për të bërë beteja"

3 Tetor 2023, 15:15, Politikë CNA
Bardhi "ia bën 8 me 2" Bashës/ "Hajde në
Deputeti Gazment Bardhi

Deputeti Gazment Bardhi foli me tone të ashpra ndaj Lulzim Bashës, në lidhje me draftin e këtij të fundit për Reformën Zgjedhore dhe kërkesën për vetting në politikë.

Bardhi tha se ky nuk është një propozim i Bashës, por është një draft i depozituar prej kohësh nga deputetët e Partisë Demokratike në Komisionin e Reformës Zgjedhore.

Ai deklaroi në një prononcim për mediat se Basha duhet të vijë të bëjë betejë në Parlament krah deputetëve të opozitës dhe jo të shkojë vetëm për të votuar projektligjet, pasi theksoi se paguhet për beteja.

“Së pari, nuk kam çfarë të shoh në kuptimin që janë çështje që trajtohen prej vitesh. Nuk është temë e re që e propozon zoti Basha vettingun në politikë, nuk ka asnjë lidhje me Reformën Zgjedhore. Ka një draft që është propozuar në Komisionin e Reformës Zgjedhore. Zoti Basha duhet të vijë në Parlament që të bëjë betejë bashkë me ne.

E ftoj kolegun Basha që të vijë të bëjë betejë, të shkojë përpara, të mos vijë në Parlament vetëm për të votuar.

E ftoj kolegun Basha se paguhet që të vijë të bëjë beteja në Parlament”, theksoi ai./ CNA

 





Lajmet e fundit nga