web counter
LEXO PA REKLAMA!

SHKARKO APP

App Store
Google Play

Sandër Lleshaj ngre alarmin/ Nëse sulmohet Kosova, Shqipëria është automatikisht në luftë

2 Tetor 2023, 22:40, Politikë CNA
Sandër Lleshaj ngre alarmin/ Nëse sulmohet Kosova, Shqipëria
Ish-ministri i Brendshëm, Sandër Lleshaj

Ish-ministri i Brendshëm, Sandër Lleshaj, ka ngritur alarmin për situatën e tensionuar Kosovë-Serbi.

Lleshaj tha në emisionin e Ylli Rakipit se nëse sulmohet Kosova nga Serbia, Shqipëria do të jetë automatikisht në luftë.

Ai deklaroi se Shqipëria duhet të mos e konsiderojë si opsion teorik, nevojën për të qenë të angazhuar.

“Jemi përballë një skenari ekstrem, për arsye se Kosova ndodhet nën garancitë e KFOR, por nuk janë garanci të përjetshme ndërkohë Serbia është e përhershme dhe ambicia ndaj Kosovës është e përhershme. Kosova duhet të zhvillojë kapacitete serioze të vetat. Nëse, hipotetikisht, Serbia do të përfshihet në angazhim ushtarak, ne jemi të përfshirë automatikisht, pavarësisht nivelit tonë politik. Shqipëria do të përfshihet nga poshtë edhe po nuk u përfshi nga lart.

Automatikisht Shqipëria është në luftë nëse sulmohet Kosova. Prandaj duhet që Shqipëria të mos e konsiderojë si opsion teorik, nevojën për të qenë të angazhuar. Serbia e ka në Kushtetutë këtë opsion. Vuçiç e tha në mënyrë brutale, na vrisni të gjithëve, ne këtu jemi. Nuk mund të kalojmë në regjimin e sigurisë absolute, sepse siguria e Shqipërisë dhe Kosovës janë dy enë që komunikojnë në të njëjtën linjë”, theksoi ish-ministri./ CNA





Lajmet e fundit nga