E fundit!

08:41 Aktualitet

Zvarrit pafundësisht proceset gjyqësore/ Sot, seanca e radhës e Veliajt në GJKKO

Sot do të mbahet seanca e radhës në Gjykatën e Posaçme kun...

22 mars 1992, PD erdhi në pushtet/ Shehu: Koha thërret për t’u përsëritur

22 Mars 2023, 08:50, Politikë CNA

22 mars 1992, PD erdhi në pushtet/ Shehu: Koha thërret për

Deputeti i Partisë Demokratike, Tritan Shehu, ka rikujtuar zgjedhjet e 22 marsit 1992 në vend ku PD fitoi, pas 48 vjetësh dominim të Partisë së Punës.

Shehu nëpërmjet një postimi në rrjete sociale ka ndarë foto ku shihet edhe kreu i Partisë Demokratike, Sali Berisha, dhe u ka bërë thirrje demokratëve që kjo kohë të përsëritet.

Duke kujtuar atë 22 mars të 1992-shit, Shehu tha se veçse bindemi në domosdoshmërinë e ripërsëritjes së tij.

“22 Marsi 1992, 'koha thërret' për t’u përsëritur.

Një ditë ajo kur u vendos demokracia, kur u shemb 'ngrehina' e atij rregjimi.

Por rregjim ai, qe po rilind.

Vetëm një 22 mars i ri mund ta ndalojë këtë regres.

Një domosdoshmeëri kjo përballë instalimit të një autokracie të re, si një shembëlltyre të së kaluarës, e erret, lindore, primitive.

Me krizën ekonomike, sociale, shpirtërore, vlerash, mungesën e lirive e të drejtave, që dominojnë përsëri sot….si dikur.

Atëherë shqiptarët iknin nga malet, të kacavjerur mbi anije….iknin me dhjetëra mijëra të reckosur e të dërmuar.

Sot përsëri, pavaresisht se tashmë në shumicë, në sajë të viteve të demokracisë, ikin me pasaporta, avione, valixhe në duar…

Por përsëri ikin me dhjetëra mijëra për të gjetur 'jetën' e dëshiruar e të merituar diku larg kësaj toke, që përseri nuk u ofron asgjë!

Një eksod biblik ky…me çdo mjet!

Një pjesë ikin edhe me gomone në stuhi, ikin të strukur në kamione, të raskapitur…, veçse të ikin!

Dhe ky vend po boshatiset….ashtu si deri më 22 mars.

Por ishte ajo ditë më tej, që filloi të krijonte shpresën, hapësirat e mundësitë.

Fatkeqësisht sot, megjithëse në një kontekst të ri, në thelb jemi përballë po atyre problemeve, padrejtësive, depersonalizimit te nje populli si para 22 Marsit.

Prandaj sot, duke kujtuar ate 22 Mars te 1992, vecse bindemi ne domosdoshmerine e riperseritjes se tij”, shkruan ai./CNA.al