web counter
LEXO PA REKLAMA!

SHKARKO APP

App Store
Google Play

Si bashkohet Mero Baze me Sali Berishën

18 Maj 2026, 17:25, Plaku Mere CNA

Si bashkohet Mero Baze me Sali Berishën

Kanë të njëjtën formë, stil, mënyrë, njëri me ato që artikulon publikisht si politikan, tjetri me ato që shkruan duke mashtruar publikisht.

Por ribashkohen në një ideal. Ideali i luftës ndaj SPAK-ut, prokurorëve, ndaj GJKKO-së.

Sali Berisha ka hallin e tij, është i pandehur atje për një hetim, për një çështje të vjetër që juristët pretendojnë se është e parashkruar, nuk ka peshë, nuk ka një vlerë.

Por doktori ka zgjedhur të sulmojë Altin Dumanin, megjithëse nuk është aspak prokurori i çështjes dhe Irena Gjokën, gjyqtaren e çështjes.

Nuk duket të ketë akuza ndaj Arben Krajës apo Millonait. Kraja çon ndonjë haber te doktori që se ka ai fajin, tjetërkush e ka urdhëruar, justifikohet dhe shpëton.

Megjithëse, ka qenë drejtuesi i SPAK-ut dhe Arben Kraja dhe është i lidhur fort me pushtetin e rilindjes.

Sulmet i jepen Altin Dumanit. Të njëjtën formë përdor dhe Mero Baze.

Po mirë doktori ka hallin e vet, lind pyetja po Meroja hallin e kujt ka?

Ka hallin Erion Veliajt, të vetë quajturit Zdroms me 13 akuza për 5 vepra të rënda penale.

Në rastin e Berishës, ku juristët debatojnë mbi pretendimin e kësaj çështjë, qëndron apo jo, është parashkruar, ka apo jo vepra penale, a është e stimuluar politkisht nga SHBA dhe mazhoranca, në rastin e Erion Veliajt jemi krejt ndryshe.

Në rast se qeveria kontrollon SPAK-un dhe e vërsul ndaj Sali Berishës, si mundet ta vërsulë edhe kundër Erion Veliajt? Qeveria po vret të sajët?

Pra, teza që ka një akuzë politike, siç pretendon Berisha, në rastin e Veliajt bie poshtë.

Por ajo që bën Mero Baze është se sulmon njësoj si Saliu. Altin Dumanit ka frikë t’ia përmendë emrin, nga ana tjetër Mero Baze sulmon për llogari të Ilir Beqjas, të zyrtarëve të lartë të PS, sulmon SPAK, sulmon GJKKO për paraburgimet, për kafazin.

Në fakt harron Mero Baze të na flasë për kafazin në Gjykatën Penale të Tiranës ku jepen masat e sigurisë apo kur gjykohen persona të ndryshëm, për çështje të ndryshme penale. Harron dhe doktori të na thotë se pse e ka këtë luftë të ashpër me SPAK-un.

Duket qartë që e ka për ekzisencën e tij ndërsa Mero Baze për ekzistencën e Veliajt. Së bashku janë në luftë kundër SPAK, GJKKO, megjithëse me standarde të ndryshme.

Saliu për hallin e vet, Mero Baze për hallin e xhepit të vet, se paguhet si mercenar nga Erion Veliaj.

Berisha të paktën ngelet kryetar, komandant dhe e udhëheq vetë luftën e tij ndërsa Mero Baze ngelet thjesht një vogëlsirë, një mbetje e panevojshme që zgjedh të luftojë për atë që e paguan më shumë. Nuk ka faj. Kur ishte me Saliun ishte thjesht dhe vetëm një brekëgrisur, me ardhjen e rilindjes në pushtet tashmë është bërë një miliarder por prapë nuk i ndahet afërsia me Saliun./ CNA





10:40 Plaku Mere

Çuni i babi Gurit

Mund të mos e njohim nëpërmjet babi Gurit që ka qenë kokrr...

Lajmet e fundit nga