E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Policia me "Facebook"?!

4 Qershor 2022, 22:17, Opinione Mitro Çela

Mitro Çela

Kur kisha datëlindjen, vendosëm ta festonim. Ezmerka tha:

“Ta djegim”!

Unë: “Kemi kohë”. E binda me një citat të Mao Ce Dunit: Mosha e burrit fillon 60 vjeç ...

Hëngrëm. Pimë dhe ngritëm dolli në shtëpi. Kafen thamë ta pimë në Durrës.

Futemi në autostradë. Pa bërë 300 metra, dallova dy policë. Një femër. Tjetri mashkull.

Nuk kisha vënë rripin dhe instiktivisht frenova.

Llafi i parë i policit mashkull: “Ke pirë?”
Në moment m'u kujtua posti në parti. Nuk mund të gënjej, sepse nuk është në nderin e udhëheqjes së Partisë Demokratike. Prandaj u përgjigja ezber:

“Kam pirë!”
-Zoti qytetar, -tha polici,- duhet të bësh provën e tubit…

-Me shumë dëshirë,- thashë unë. Në jetën time, kurrë nuk kam future në gojë tub polici…

Ai para. Unë nga pas. Hapi një çantë dhe nxorri një tub… Thashë ta futja në gojë me dorën time. Rregulli ishte të ma fuste policja femër…Pyeta:

-Nuk ka këllëf për tubin?...

-Është mall importi…

-Kush e di në sa gojë e ke futur pa këllëf?!...

-Lëri nazet,- tha femra…

Hapa gojën. Ma futi…tubin…

-Paske dorë të lehtë ,- thashë.

-Zoti qytetar! Tubi thotë se kini pirë shumë alkool…

-Nuk ka si të ndodhi ndryshe, rakia ishte ballë kazani! -Thashë unë...

-Me këtë nivel që tregon tubi, të ikën patenta.

Nxora patentën nga portofoli dhe ia lashë në dorë.

-Kush gabon, ndëshkohet, kjo është edhe motua e partisë sime.

I befasuar, polici nisi të bëjë formalitetet. Ndërsa ai shkruante e pyeta:

-Nga të kemi?”...

Polici u mat të flasë. Por nuk nxori asnjë fjalë. Nuk ia mora për të keq. Ai ishte në krye të detyrës. Unë, edhe dhi e zgjebosur dhe bishtin përpjetë!

-Më parë se të dorëzosh patentën, duhet të shkojmë në komisariat,- tha femra.

-Do të më bëni nder! Kam kaluar gjysmë shekulli dhe nuk jam futur në ndonjë komisariat i shoqëruar me polic...Do të ishte ideale po të më fusni në hapsanë. Nën qeverinë Rama, burgu është për burrat që shkelin ligjin... Do t'ia hipim makinës sime…apo të futem te jotja?

-Veç patentës duhet të paguash edhe 50 mijë lekë të reja! -Tha polici…

-Nuk jam dakord. Kushtetuta Amerikane thotë se nuk mund të dënohesh dy herë për të njëjtin faj!…

Polici nuk foli. -Sikur të pyes gruan? -Thashë unë.

Përsëri heshtje. Duke e marrë për miratim, u nisa drejt makinës.

-Asnjë,- tha Ezmerka!-Zoti polic! Nuk është në nderin tuaj ta trajtoni kështu zotin Mitro Çela, që ka qënë deputet!…

-I martuar je, I thashë policit?…

-Po, tha ai…

- Nuk thotë kot francezi: Shershe la famë! ( Sherri vjen nga gratë!)…

Ai buzëqeshi. Ishte herë e parë që bëri lëshim. Fjalën e mori femra:

-Zoti Mitro: Jemi miq në FB. Merre patentën!

-Gjobë të rëndë?- Tha Ezmerka.

-Asnjë lekë, thashë unë: Qingji I butë pi dy nëna!