web counter
LEXO PA REKLAMA!

SHKARKO APP

App Store
Google Play

Ku janë gratë shqiptare?!

27 Shtator 2022, 22:09, Opinione Brizida Gjikondi
Ku janë gratë shqiptare?!
Brizida Gjikondi

Ato, ato të shoqërisë civile etj., etj., që çirren për fonde ose kush do flasë në mikrofon dhe kush e organizoi protestën, dhe pikërisht në atë moment e vrasin atë.

Ku janë tani që po klithin gjithë gratë e botës.

Po gratë jastëk zbukurimi të parlamentit shqiptar ku janë, ato që “do” mbahen mënd për rraqet që veshën dhe kurrë për përfaqësimin e halleve dhe realitetit të femrës shqiptare.

Po ministret ku janë, në ç’vrimë janë futur.

Po vajzat e gratë e mediave të shoubizit, universiteteve, ku janë..

A po e shohin që mbarë bota është ngritur me sy të përlotur nga Irani.

A ju thotë gjë emri Mahsa Amini, e vrarë barbarisht 22 vjeçe sepse i dilte një tufë e bukur flokësh nga perçja, po Hadis Najafi 20 vjeçe vajza me bishtalec, e vrarë sepse protestonte për Mahsan mbrëmë rrugëve të Iranit e njihni.

Ju që tolloviteni nëpër "Instagram", "Tik-Tok" dhe bëni si pata imituese a e dini që jeta dhe emancipimi nuk është vetëm hipokrizi, imitim, intriga, tradhti, zili, xhelozi, rraqe firmato, çantë 50 mijë euro, por ndërkohë shpirti dhe mendja bosh?!

A e dini që gjetiu simotrat tona po luajnë me mbijetesën e dinjitetit dhe ekzistencës së shpirtit e lirisë?

A jeni, a jemi pjesë e botës së vlerave dhe ne?

A e ndini?

A e shihni që mediat, "Tik-Tok"-u dhe "Instagram"-i po shpërthejnë nga imazhet e protestanëve në krah të vajzave dhe grave të Iranit?!

Shumë gra e vajza në mbarë botën po presin flokët në shenjë dhimbje, zije dhe proteste.

Nuk vlen bukuria e dylekëshit kur shpirti është gjak.

Po ju ku jeni?!

A jeni?!





Lajmet e fundit nga