E fundit!

11:47 Aktualitet

Video/ Bllokohet lëvizja në sheshin "Skënderbej", qytetarët të revoltuar, debatojnë me efektivët

Ditën e sotme në sheshin “Skënderbej” është zhvilluar fest...

Aleanca për mbrojtjen e Butrintit/ “Qeveria, si ushtri pushtuese mbi kalatë”

13 Korrik 2022, 11:01, Opinione CNA

Aleanca për mbrojtjen e Butrintit/ “Qeveria, si ushtri pushtuese mbi

Aktivisti Aulon Kalaja, ka reaguar sërish sot në lidhje me çështjen e dhënies me koncesion të parkut të Butrintit.

Në një deklaratë për mediat, Kalaja tha se aleanca është ngritur në mbrojtje të Parkut të Butrintit dhe të trashëgimisë kulturore të vendit në tërësi.

"Kemi pikëpyetje të mëdha se si ka mundësi që avokatja e inceneratorëve ndodhet pas aferës së Butrintit, ashtu siç kemi pikëpyetje të mëdha pse pas Butrintit, po bie Durrësi, Driloni, Pallati i Brigadave, Apolloni, Finiqi dhe çdo kala shqiptare?! Kjo qeveri është kthyer si një ushtri pushtuese që po merr me radhë kalatë shqiptare!”- theksoi ai.

Po ashtu, Kalaja shpjegoi kuptimin e asaj pankarte dhe të atij mesazhi, me të cilin ata i janë drejtuar sot Fondacionit që synon të marrë Butrintin nën menaxhim.

"Jemi sot përpara zyrave të Fondit shqiptaro-amerikan të zhvillimit me një mesazh shumë të thjeshtë: Larg duart nga Butrinti! - tha ai. - Është një mesazh që buron nga shpirti i liri amerikan, nga protestat pacifiste kundër luftës në Vietnam 'Larg duart nga Vietnami'.

Kemi përdorur pikërisht këtë fjali për t’i bërë thirrje, Fondacionit shqiptaro-amerikan të zhvillimit që t’i mbajë duart nga larg nga Butrinti.

Ne sigurisht kemi objeksionet tona; dje nuk na lejuan në Komisionin e Ekonomisë, as të dëgjoheshim, as të thoshim fjalën tonë, por na mbajtën nëpër korridore dhe na përzunë.

Po ne jemi në këtë betejë ditën e sotme këtu me një këtë mesazh të qartë, ashtu siç kemi pikëpyetje të mëdha se si ka mundësi që avokatja e inceneratorëve ndodhet pas aferës së Butrintit, ashtu siç kemi pikëpyetje të mëdha pse pas Butrintit, po bie Durrësi, Driloni, Pallati i Brigadave, Apolloni, Finiqi dhe çdo kala shqiptare. Kjo qeveri është kthyer si një ushtri pushtuese që po merr me radhë kalatë shqiptare!”