LEXO PA REKLAMA!

SHKARKO APP

App Store
Google Play

“Si asnjëherë më parë”/ Ardit Gjebrea tregon ndryshimet e këtij edicioni të “Këngës Magjike”

18 Shtator 2022, 15:37, Lifestyle CNA
“Si asnjëherë më parë”/ Ardit Gjebrea tregon
Foto ilustruese

Moderatori dhe producenti Ardit Gjebrea ka zbuluar ndryshimet që do të ketë në këtë edicion të festivalit "Kënga Magjike".

Përmes një postimi në rrjetet sociale, Gjebrea ka treguar se ky edicion do të jetë më i miri në histori pasi për herë të parë do të aplikohet teknologjia më e re televizive evropiane.

Moderatori i njohur shprehet se këtë vit do të ketë shumë ndryshime duke zbuluar se festivali do të zgjasë katër netë dhe jo tri sikurse ka qenë në edicionet e mëparshme.

 “Jam shumë i lumtur dhe njëkohësisht krenar për fillimin e edicionit të 23-të të Këngës Magjike. Ky edicion do të jetë padyshim më i miri në historinë e festivaleve në Shqipëri, pasi për herë të parë aplikohet teknologjia më e re televizive evropiane në paraqitjen e tij.

Për herë të parë artistët e huaj janë të një niveli që nuk ka ndodhur më parë në një garë në vendin tonë. Për herë të parë Kënga Magjike do të zhvillohet në 4 netë, ku nata e tretë do të jetë Nata Finale Tradicionale Shqiptare dhe nata e katërt do të jetë Grand International Kënga Magjike.

Ky edicion do të ketë shumë “për herë të parë” ndaj dhe uroj të jetë një bekim për çdo artist pjesëmarrës dhe kënaqësi për të gjithë ju që do e ndiqni”, shkruan Gjebrea në postimin e tij në "Instastory"./ CNA.al

“Si asnjëherë më parë”/ Ardit Gjebrea tregon

Lajmet e fundit nga