LEXO PA REKLAMA!

SHKARKO APP

App Store
Google Play

Fitoi konkursin e bukurisë në vendin afrikan/ Vërshojnë kritikat ndaj modeles së bardhë

27 Shtator 2023, 12:39, Lifestyle CNA
Fitoi konkursin e bukurisë në vendin afrikan/ Vërshojnë
Fituesja e kompeticionit Miss Zimbabve, Brooke Bruk-Jackson

Fituesja e kompeticionit Miss Zimbabve u shpall Brooke Bruk-Jackson, një vajzë e bardhë me flokët bionde.

Por kjo zgjedhje ka shkaktuar polemika të mëdha në shtetin afrikan.

Vajza e cila do të përfaqësojë shtetin afrikan edhe në Miss Universe më 18 nëntor në El Salvador është parë nga vendasit si jo personi i duhur për të përfaqësuar vendin.

Vajza 21-vjeçare vjen nga Harare, ngaqë është e bardhë dhe jo me ngjyrë ka bërë që në Zimbabve të shpërthejnë kritikat kundër saj dhe organizatorëve të konkursit të bukurisë.

“Zemra ime është plot gëzim dhe mirënjohje. E fitova këtë kurorë për vendin tonë të bukur, për t’i shërbyer popullit tonë dhe për të qenë mishërim i veçantisë së Zimbabve.”

Këto ishin fjalët e para të modeles pasi fitoi kurorën e më të bukurës së Zimbabeve, teksa ishte e vetmja vajzë e bardhë në pasarelë.

Por ajo nuk e mendonte se do të goditej nga një “ortek” kritikash në rrjetet sociale, të tipit: “Stërgjyshërit e mi do të rrotulloheshin në varr”.

“Shumë e bardhë për të përfaqësuar një komb me ngjyrë të zezë, ajo nuk na identifikon, ajo është e huaj“, komentoi një tjetër.

Por ka edhe nga ata që kanë dalë në mbrojtje të 21-vjeçares.

“Nëse ajo nuk lejohet të jetë Miss Zimbabve, atëherë Miss-i i çdo kombi duhet të duket si një vendas etnik atje“, shkroi ish-kikboksieri i famshëm Tristan Tate në rrjetet sociale./ CNA

Lajmet e fundit nga