E fundit!

09:27 Kronika

E rëndë në Korçë, 66-vjeçari i jep fund jetës

Rreth orës 08:40, në lagjen nr. 10, Korçë, një automjet ti...

Festivali Botëror i Arkitekturës/ Projektet më të bukura. Kryeson...

17 Korrik 2022, 20:31, Kuriozitete CNA

Festivali Botëror i Arkitekturës/ Projektet më të bukura.

Kjo strukturë futuriste, me energji diellore në Sharjah, Emiratet e Bashkuara Arabe, do të shërbejë si një shtëpi e re për organizatën, BEEAH Group.

Një urë druri në Kinë, një objekt ruajtjeje arti në Holandë dhe një qendër meditimi budist në Tajlandë janë midis mbi 250 ndërtesave të përzgjedhura në çmimet vjetore të Festivalit Botëror të Arkitekturës (WAF).

Me origjinë nga mbi 50 vende, finalistët do të gjykohen në kategoritë që përfshijnë arkitekturën rezidenciale, tregtare dhe qytetare, përpara se të luftojnë për titullin prestigjioz të Ndërtesës Botërore të Vitit.

Kina përbënte më shumë projekte në listën e ngushtë se çdo vend tjetër, megjithëse organizatorët vunë re një rritje të dukshme të hyrjeve nga India dhe Turqia.Festivali WAF, do të mbahet nga 30 nëntori deri më 2 dhjetor në Lisbonë të Portugalisë dhe përpos çmimit të madh, do të akordojë edhe çmime të tjera për projektet e së ardhmes apo dizajnet më të mira. Në vitin 2021, si “Ndërtesa Botërore e Vitit” u vlerësua “Amager Bakke” në Kopenhagë./CNA.al

Projektuar nga Fender Katsalidis, kjo ndërtesë 48-katëshe në qendër të Melburnit, Australi, përmban një "pyll orbital" trekatësh. LIFESTYLE

Victorian Pride Centre, Australi. Brendësia e ndërtesës kombinon elementet strukturore të betonit, drurit, qeramikës dhe pëlhurës.

E projektuar nga LUO Studio, kjo urë këmbësore prej druri shtrihet në një rrugë ujore në Jiangmen, në provincën Guangdong të Kinës. Forma e harkuar lejon që varkat e peshkimit të kalojnë poshtë, ndërsa korridori i brendshëm i mbuluar i urës, ofron mbrojtje nga dielli dhe shiu.

Muzeu Përkujtimor i Lëvizjes së Punëtorëve nderon historinë e punëtorëve në një zonë minierash në provincën Hunan të Kinës.

Firma e projektimit Antao u nominua në një nga kategoritë e festivalit. I ndodhur pranë një muzeu shkencor, në provincën Yunnan të Kinës, ndërtesa ofron zona lojrash dhe instalacione moderne. LIFESTYLE

Tarracat për pastrimin e ujërave të zeza të firmës kineze "Turenscape" u krijuan për të demonstruar një mënyrë për pastrimin dhe riciklimin e ujërave të zeza. Është ndërtuar në Handan, provincën Hebei, një zonë që vuan nga mungesa e ujit dhe efektet e ndotjes.

Në një nga kategoritë e festivalit WAF, është edhe kjo vilë në ishullin Paros, Greqi, me pamje nga deti Egje. Dizajni i firmës arkitekturore "Studio Seilern" përmban mure guri të bardha dhe korniza mermeri.

Studioja "MPavilion" ka ftuar arkitektë të ndryshëm për të projektuar një strukturë të përkohshme në Kopshtet e Mbretëreshës Victoria në Melburn.

Stadiumi i ri SoFi në Inglewood, Kaliforni, është shtëpia e dy ekipeve të NFL: Los Angeles Chargers dhe Los Angeles Rams. I projektuar nga firma amerikane HKS, stadiumi mbulohet nga një tendë e tejdukshme.

Kjo strukturë në formë tasi në qytetin holandez të Roterdamit shërben si një godinë për muzeun Van Beuningen.

Xhamia Mohammed bin Abdullah Ibrahim Al Majid nga Alsoliman është vendosur në një sipërfaqe prej 3650 metrash katrorë në kryeqytetin e Arabisë Saudite, Riad.

Firma me bazë në Bangkok "Architects 49 Limited" ka projektuar një qendër meditimi në Khao Yai, Tajlandë. Kompleksi i qetë përmban një faltore të ndërtuar nga shtresa xhami, si dhe vendstrehimin për murgjit.

E projektuar nga firma e arkitekturës "Sordo Madaleno Arquitectos", qëllimi ishte të integrohej me peizazhin përreth. Struktura rrethore u ndërtua në një liqen në periferi të Valle de Bravo, Meksikë, me mure guri dhe korniza druri

Firma gjermane "Tchoban Voss Architekten" ishte në gjendje të zvogëlonte emetimet e karbonit duke kombinuar drurin dhe betonin në dizajnin e saj për godinën "EDGE Suedkreuz" në Berlin

E vendosur në Ras, në shtetin verior indian të Rajasthan, kjo shkollë nga "Sanjay Puri Architects" është projektuar për të luftuar klimën e nxehtë të rajonit.

Kjo strukturë futuriste, me energji diellore në Sharjah, Emiratet e Bashkuara Arabe, do të shërbejë si një shtëpi e re për organizatën, BEEAH Group.