LEXO PA REKLAMA!

SHKARKO APP

Viron Prodani sjell librin e radhës/ Fakte për Fabrikën e “Birra Korça”

2 Shkurt 2024, 17:37, Kulturë CNA
Viron Prodani sjell librin e radhës/ Fakte për Fabrikën e
Fabrika e “Birra Korça”

Viron Prodani ka publikuar një tjetër libër dhe këtë radhë ka sjellë disa fakte për fabrikën e “Birra Korça”.

Prodani tregon se si u lidh kontrata koncesionare për ndërtimin dhe administrimin e Fabrikës “Birra Korça” nga qeveria shqiptare në 21 mars 1930.

Kjo kontratë koncesionare u lidh me dy ortakët Umberto Uberti dhe Selim Mborja dhe godina filloi të ndërtohej në fund të vitit 1931.

Viron Prodani sjell librin e radhës/ Fakte për Fabrikën e

Umberto Uberti ishte administratori dhe aksioneri më i madh i “Birrës Korça”, pasi nga 130 aksione në total kishte 79 aksione, ndërsa Mborja kishte 51 aksione.

“Birra Korça” në fillimet e saj kishte një inxhinier italian, 5 teknikë italianë dhe 12 punonjës të tjerë shqiptarë.

Viron Prodani sjell librin e radhës/ Fakte për Fabrikën e

Viron Prodani sjell librin e radhës/ Fakte për Fabrikën e

Me ardhjen e gjermanëve, nga nëntori i vitit 1943 fabrika ishte nën kontrollin e ushtrisë gjermane, ndërsa me ardhjen e sistemit komunist u sekuestrua në janar të vitit 1945.

Fabrika e filloi prodhimin më 25 mars të 1934-ës dhe kapaciteti prodhues ishte 20.000 Hektolitra në vit, por Prodani bën të ditur se ky kapacitet nuk mundi të realizohej në asnjë vit.

Viron Prodani sjell librin e radhës/ Fakte për Fabrikën e

Vitin e parë u prodhua vetëm 605 Hektolitra, ndërsa nga viti 1935 deri në 1944-ën u prodhuan nga 3000 deri në 4500 Hektolitra për vit.

Një fakt interesant që përmendet në librin e Viron Prodanit është se Fabrika e “Birrës Korça” kryente edhe aktivitete të tjera dytësore si fabrikimin e akullit, fabrikën e ujit mineral, fabrikën e malterisë dhe frigoriferin për konservimin e djathit.

Më tej, libri flet për taksimin e prodhimit, konsumit dhe importit të birrës, si dhe për panairet ndërkombëtare e reklamat.

Libri mbyllet me pak biografi për dy aksionerët Umberto Uberti dhe Selim Mborjan, si dhe për teknollogun e prodhimit të birrës, Vasil Gjino.

Të gjitha këto në librin e Viron Prodanit janë të treguara në 13 kapituj./ CNA

Lajmet e fundit nga