E fundit!

14:42 Editorial

Çmenduria e një avokati të pandehur

Plarent Ndreca na qenka bërë sot autor i një zbulimi epoka...

"MË FAL"/ 18-vjeçarja sjell filmin me metrazh të shkurtër

9 Mars 2024, 20:40, Kulturë CNA

"MË FAL"/ 18-vjeçarja sjell filmin me metrazh të

Juarda Allko 18 vjeçarja nga Cerriku ka zgjedhur që në Ditën Ndërkombëtare të Gruas të vijë me një film me metrazh të shkurtër i cili ka në fokus tadhëtinë dhe dhunën ndaj femrës. 18 vjeçarja modele edhe pse shumë e re nisur edhe nga eksperiencat personale por edhe ajo se çfarë ka parë mbi mënyrën se si trajtohet femra sot ka zgjedhur që nëpërmjet iniciativës krejtësisht personale të japë një mesazh të qartë për vajzat, të mos jenë pre e dhunës apo bullizmit.

"Është një projekt i cili e ka lancimin e tij në vitin 2021. Është një projekt i cili e ka pikënisjen nga fenomene të ndryshme që ne jemi hasur si dhuna ndaj gruas, përdhunimi, trafikimi por jo vetëm kaq. Duke qenë se jam një vajzë, e cila i përkas fushës së artit, kam hasur gjatë rrugëtimit tim në këtë fushë pikërisht paragjykime, bullizëm dhe shpesh herë me kanë thënë që je një vajzë dhe ju mund të shërbeni vetëm si një objekt bukurie.

Mesazhi i këtij projekti jep leksione të qarta. Ne duam që të jemi bashkë për të treguar që forca dhe zëri ynë duhet të dëgjohet kudo dhe ne jemi forca e shoqërisë.

Filmi është një prurje e re e këtij viti dhe titullohet “Më fal”.

Ne në këtë film kemi trajtuar pikërisht konceptin e tradhtisë pasi ne shohim që shpesh herë vajzat tradhtohen dhe në fund fare vetvriten, prandaj ne nëpërmjet këtij filmi duam të sensibilizojmë që që duhet të duam veten mbi të gjitha.

Ky është realizimi i imi siç ua thashë edhe e kam nisur pikërisht nga fenomenet që hasen çdo ditë por vjen nga përvojat e mia personale, tha 18-vjeçarja.

Iniciativës së saj i janë bashkuar edhe njerzë të njohur të artit siç është miss Rose, e cila ka guxuar që nga muzikante të shkruajë një skenar filmi me metrazh të shkurtër për një grua të terdhëtuar që vetflijohet.

“Në fakt e kam dashur prej kohësh këtë gjë. Kam eksperimentuar në gjërat me dimension më të vogël, domethënë një pjesëmarrje në filma me minutazh të vogël dhe kjo pjesë që bëra këtë herë ishte vërtetë për herë të parë. Unë u mora dhe me skenarin dhe me regjinë le të themi.

E gjithë gjëja ka nisur nga pjesa që Juarda bënte për vitin e tretë radhazi. Një projekt për femrën. Pra, lartësojmë imazhin e saj, japim mesazhe sensibilizuese kundër dhunës ndaj saj dhe gjërat e kësaj fushe”, ka thënë Dj miss Rose.

Afroviti Gusho aktiviste e mbrojtes së grave në Pogradec prej më shumë se 15 vitesh, shprehet entuziaste që mesazhe të tilla vijnë tashmë jovetëm nga gratë por edhe nga të rinjtë me artin e tyre.

Filmi me metrazh të shkurtër "Më Fal" u shfaq premierë në Pogradec dhe do të vijojë rrugëtimin më disa qytete të vendit, me mesazhin e vetëm që një grua mund t'ia dalë./ CNA