web counter
LEXO PA REKLAMA!

SHKARKO APP

App Store
Google Play

Zbulohet mashtrimi/ Kapet 34-vjeçarja që shtirej si punonjëse e Kadastrës dhe merrte para për legalizime

23 Shkurt 2024, 13:16, Kronika CNA

Zbulohet mashtrimi/ Kapet 34-vjeçarja që shtirej si punonjëse e

Një tjetër mashtrim me shuma të konsiderueshme parash është zbuluar nga policia në Tiranë.

34-vjeçarja me iniciale M. K. ka rënë në pranga pasi i mori para një personi, duke e mashtruar se ishte punonjëse e Kadastrës dhe se do t’i legalizonte pronën.

Gjithashtu, u identifikua dhe u shpall në kërkim bashkëpunëtori i saj, 41-vjeçari me iniciale J. M.

Blutë sekuestruan 450 mijë lekë, 1 automjet tip “Audi”, 2 celularë dhe dokumente të tjera që do t’i shërbejnë hetimit.

“Si rezultat i një hetimi të ndjekur me metoda proaktive, për dokumentimin me prova ligjore të një rasti mashtrimi me pasoja të rënda, që kryhej nëpërmjet përvetësimit të padrejtë të detyrës si punonjëse në Agjencinë Shtetërore të Kadastrës, u finalizua operacioni policor i koduar "Premtimi", në kuadër të të cilit u vu në pranga shtetasja M. K., 34 vjeçe, banuese në Tiranë.

Gjatë periudhës hetimore u provua se 34-vjeçarja e arrestuar në flagrancë ndërkohë që i merrte të dëmtuarit, shumën 450 000 lekë, e kishte mashtruar këtë shtetas se ishte punonjëse e Kadastrës, si dhe se do t’i legalizonte dhe regjistronte, pronësinë mbi një objekt.

Gjithashtu, u identifikua dhe u shpall në kërkim bashkëpunëtori i dyshuar i shtetases M. K., shtetasi J. M., 41 vjeç, banues në Tiranë. Policia vijon punën për kapjen e tij.

Ndërkohë, vijojnë hetimet për të identifikuar dhe nxjerrë përpara përgjegjësisë penale, shtetasit e tjerë që mund të jenë përfshirë në këtë rast.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme, për veprat penale 'Mashtrimi', me pasoja të rënda, 'Falsifikimi i dokumenteve' dhe 'Përvetësimi i titullit apo i detyrës shtetërore'”, thuhet në njoftimin e policisë./ CNA





Lajmet e fundit nga