web counter
LEXO PA REKLAMA!

SHKARKO APP

App Store
Google Play

E fundit!

x

Zbulohen 31 sera me kanabis në Kurbin/ Arrestohet një person, shpallet në kërkim një tjetër

28 Maj 2023, 13:18, Kronika CNA

Zbulohen 31 sera me kanabis në Kurbin/ Arrestohet një person, shpallet

Policia ka zbuluar 31 serra me kanabis me një numër prej 3510 rrënjësh të kultivuara, në Lezhë.

Serra ndodhej në një zone të pyllëzuar në fshatin Skuraj në Kurbin.

Blutë kanë arrestuar Dritan Margjonin, 44 vjeç, si dhe është shpallur në kërkim Fation Margjoni, 34 vjeç, si autorë të dyshuar të kultivimit të bimëve narkotike.

Gjithashtu, nga hetimi janë identifikuar dhe autorë të tjerë të kësaj veprimtarie kriminale, të cilëve, për shkak të konfidencialitetit të hetimit, nuk mund t’u bëjmë me dije të dhëna.

Materialet procedurale i kaluan Prokurorisë, për veprime të mëtejshme.

“Kontrolle intensive, nga toka dhe ajri, në bashkëpunim me GDF-në. Gjithashtu, hetime proaktive dhe operacione të njëpasnjëshme, për parandalimin, evidentimin dhe goditjen e tentativave për kultivim të bimëve narkotike. Finalizohet faza e gjashtë e megaoperacionit policor antikanabis të koduar “Imazhi”. Gjatë kësaj faze të megaoperacionit, në një terren të vështirë malor, në fshatin Skuraj, Kurbin, janë gjetur dhe shkatërruar 31 sera të vogla, brenda të cilave ishin të kultivuar 3510 bimë narkotikë cannabis sativa. Arrestohet 1 shtetas dhe shpallet në kërkim 1 tjetër, si autorë të dyshuar për kultivimin e këtyre bimëve narkotike.

Si rezultat i punës intensive në çdo skaj të qarkut, kundër kultivimit të bimëve narkotike, shërbimet e Komisariatit të Policisë Kurbin organizuan fazën e gjashtë të megaoperacionit policor antikanabis të koduar “Imazhi”, si rezultat i një hetimi me metoda proaktive, të nisur që në muajin prill, nga Policia e Kurbinit, në bashkëpunim me Prokurorinë pranë Gjykatës së Shkallës së Parë të Juridiksionit të Përgjithshëm Lezhë.

Gjatë kontrolleve në fshatin Skuraj, Kurbin, në një zonë të pyllëzuar dhe të vështirë malore, u gjetën dhe u shkatërruan 31 sera të vogla, brenda të cilave ishin të kultivuar 3510 bimë narkotikë cannabis sativa.

Si rezultat i hetimit intensiv proaktiv, është bërë i mundur dokumentimi me prova ligjore i  kësaj veprimtarie kriminale, arrestimi i shtetasit 44 vjeç, si dhe shpallja në kërkim e shtetasit 34 vjeç, si dy nga autorët e dyshuar të këtyre tentativave për të kultivuar bimë narkotike. Vijon puna për kapjen e 34-vjeçarit.

Gjithashtu, nga hetimi janë identifikuar dhe autorë të tjerë të kësaj veprimtarie kriminale, të cilëve, për shkak të konfidencialitetit të hetimit, nuk mund t’iu bëjmë me dije të dhëna. Megaoperacioni policor antikanabis “Imazhi”, vijon. Materialet procedurale i kaluan Prokurorisë, për veprime të mëtejshme”, njofton policia./CNA.al

 





Lajmet e fundit nga