web counter
LEXO PA REKLAMA!

SHKARKO APP

App Store
Google Play

Zbardhet ngjarja e 2020-ës/ Kapet pas tre vitesh personi që vendosi eksploziv në banesën e efektivit

28 Janar 2023, 08:50, Kronika CNA

Zbardhet ngjarja e 2020-ës/ Kapet pas tre vitesh personi që vendosi

Zbardhet ngjarja e ndodhur në vitin 2020, të shpërthimit me lëndë eksplozive në banesën e oficerit të policisë me iniciale Z.B.

Mësohet se blutë kanë vënë në pranga një 33-vjeçar i dyshuar për vendosjen e eksplozivit.

Bazuar në provat e grumbulluara  nga hetimi, Gjykata e Rrethit Gjyqësor Shkodër ka caktuar masën e sigurisë "Arrest në burg" për shtetasin D. N., 33 vjeç, lindur dhe banues në Shkodër, për veprat penale "Shkatërrimi i pronës me eksploziv" dhe "Mbajtja pa leje e armëve luftarake shpërthyese", kryer në bashkëpunim.

Në kuadër të operacionit policor të koduar “Mesazhi”, u bë e mundur kapja dhe ndalimi i 33-vjeçarit, i dyshuar si autor i vendosjes së lendës eksplozive, e cila ka shpërthyer në banesën shtetasit P. M., me detyrë oficer Policie në Komisariatin e Policisë Shkodër.

gjithashtu dyshohet se ky person ka vendosur eksploziv edhe në banesën e shtetasit Z.B., ngjarje të ndodhura në datë 4 Janar 2020, në qytetin e Shkodrës.

Nën drejtimin e Prokurorisë së Rrethit Gjyqësor Shkodër, strukturat hetimore të DVP Shkodër, po punojnë intensivisht për identifikimin e bashkëpuntorëve të mundshëm, si dhe për  zbardhjen e ngjarjeve të tjera të kësaj natyre, ndodhur kohët e fundit./ B.A. – CNA.al





Lajmet e fundit nga