web counter
LEXO PA REKLAMA!

SHKARKO APP

App Store
Google Play

E fundit!

x

Sherr në Kuçovë/ 29-vjeçari godet me sende të forta 65-vjeçarin

25 Shkurt 2024, 10:56, Kronika CNA

Sherr në Kuçovë/ 29-vjeçari godet me sende të forta

Një sherr i momentit ka agravuar mes 65-vjeçarit Xh. Sh., dhe shtetasit 29-vjeçarit K. K., në ambientet e një lokali në fshatin Perondi të Kuçovës. 

Policia bën me dje se 29-vjeçari (shtetas me probleme mendore) ka goditur me sende të forta 65-vjeçarin.

Gorcat e policisë kanë mbërritur në vendngjarje ku kanë bërë të mundur edhe arrestimin e 29-vjeçarit.

Njoftimi i policisë:

Në ambientet e një lokali, për motive të dobëta, goditi me send të fortë, një 65-vjeçar, arrestohet 29-vjeçari. Procedohet penalisht babai i 29-vjeçarit, pasi kanosi të dëmtuarin, për të tërhequr denoncimin.

Sapo janë njoftuar për një konflikt ndërmjet 2 shtetasve, në një lokal në fshatin Perondi, shërbimet e Komisariatit të Policisë Kuçovë kanë organizuar punën dhe kanë shkuar në vendngjarje, për të zbardhur rrethanat e konfliktit dhe për të arrestuar përgjegjësin/it.

Menjëherë u bë arrestimi në flagrancë i shtetasit K. K., 29 vjeç (shtetas me probleme mendore), banues në Kuçovë, i cili për motive të dobëta, në ambientet e një lokali, goditi me send të fortë, shtetasin Xh. Sh., 65 vjeç.

Në vijim të veprimeve procedurale për rastin u referuan materialet në Prokurori, ku nisi procedimi në gjendje të lirë për babanë e shtetasit K. K., shtetasin S. K., 56 vjeç, pasi ka kanosur 65-vjeçarin, që të tërhiqte denoncimin e bërë në Polici, për këtë rast.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme./CNA





Lajmet e fundit nga