LEXO PA REKLAMA!

SHKARKO APP

Zbardhet dëshmia e djalit që ekzekutoi të atin: E qëllova me 4 plumba, e mbështolla me plastmasë

24 Shkurt 2024, 09:18, Kronika CNA
Zbardhet dëshmia e djalit që ekzekutoi të atin: E qëllova
Foto nga vendi i ngjarjes

Hysen Meta ka qenë personi që ka ekzekutuar me armë zjarri babain e tij Pëllumb Meta në banesën e tyre në fshatin Shën Vlash të Durrësit. 

Ai ka treguar para hetuesve se vrasjen e ka planifikuar në bashkëpunim me motrën e tij dhe se për të varrosur trupin është dashur edhe ndihma e vëllait tjetër. 

Meta thekson se babai i tij ishte bërë i padurueshëm edhe se donte ta fejonte motrën me dikë pa dëshirën e kësaj të fundit. 

Dëshmia e plotë: 

Planin për vrasjen e babait e bëmë së bashku me motrën sepse ai ishte bërë i padurueshëm në familje.Për gjithçka në familje duhej të vendoste ai dhe të bëhej si thoshte ai. Ishte e pamundur që ta kundërshtoje. E fundit ishte vendimi për të fejuar motrën me një person që nuk e kishim idenë se kush ishte në kundërshtim me dëshirën e saj.

Në këto kushte vendosëm ta vrisnim e të zhduknim gjurmët. Vendosëm ta vrisnim me pistoletën e tij. Kështu që në mëngjes bëmë planin për ta vrarë. Pasdite babai ishte shtrirë në divan dhe po pushonte. Në dhomë me mua ishte edhe motra. I thashë babait çohu. Ai u çua në këmbë dhe pastaj unë e qëllova 4 herë me pistoletë.

Më pas u morëm me zhdukjen e gjurmëve. E zhveshëm dhe e mbështollëm me plasmas. E transportuam te kasollja dhe aty e varrosëm. Më vonë larguam dhe makinën. Shkuam me dy makina në sektorin Rinia. Unë me makinën e babait kurse vëllai me një makinë tjetër që ja morëm një shokut tonë të cilit i thamë se na duhej për nja një orë makina e tij.E lamë makinën e babait atje dhe u kthyem me makinën e shokut që e ngiste vëllai im. Pastaj me datën 13 unë u paraqita në polici dhe denoncova largimin e babait nga shtëpia./CNA 

 

Lajmet e fundit nga