web counter
LEXO PA REKLAMA!

SHKARKO APP

App Store
Google Play

Lejoi kalimin e armëve në Portin e Durrësit, arrestohet polici

5 Prill 2024, 16:33, Kronika CNA
Lejoi kalimin e armëve në Portin e Durrësit, arrestohet polici
Porti Durrës

Arrestohet punonjësi i policisë në Portin e Durrësit. AMP-ja njofton se në prangat e policisë B.Xh, 37-vjeç me detyrë Kontrollor, i dyshuar për kryerjen e veprës penale "Shpërdorimi i detyrës".

Nga hetimet ka rezultuar se efektivi ka shmangur në mënyrë të qëllimshme kontrollin e mjetit tip Bizarke me drejtues shtetasin E. U., 45 vjeç, i cili ka udhëtuar me linjën Durres-Bari dhe sapo ka zbritur në Bari, gjatë kontrollit i janë gjetur 2 armë zjarri të tipit pistoletë.

Njofimi i AMP-së:

Agjencia e Mbikëqyrjes Policore (Rajoni Durrës-Kavajë) ka ekzekutuar Urdhërin e Prokurorisë për zbatimin e vendimit të Gjykatës së Shkallës së Parë të Juridiksionit të Përgjithshëm Durrës, e cila ka vendosur masën shtrënguese "Arrest në burg" për punonjësin e policisë Inspektor B. XH., 37 vjeç, me detyrë Kontrollor në Stacionin e Policisë P.K.K. Port Durrës, i dyshuar për kryerjen e veprës penale "Shpërdorimi i detyrës".

Nga hetimet e kryera nga Agjencia e Mbikëqyrjes Policore, u dokumentua me prova se ky punonjës policie ka shmangur në mënyrë të qëllimshme kontrollin e mjetit tip Bizarke me drejtues shtetasin E. U., 45 vjeç, i cili ka udhëtuar me linjën Durres-Bari dhe sapo ka zbritur në Bari, gjatë kontrollit i janë gjetur 2 armë zjarri të tipit pistoletë.

Hetimet vazhdojnë për përfshirje të punonjësve të tjerë të policisë në këtë veprimtari kriminale.

AMP mbetet e përkushtuar në misionin e saj për garantimin e zbatimit të ligjit dhe fton qytetarët të denoncojnë çdo rast të shkeljes së ligjit, duke telefonuar në numrin e gjelbër 0800 90 90./CNA 





Lajmet e fundit nga