LEXO PA REKLAMA!

SHKARKO APP

“Ia mora borxh një biznesmeni”/ Çfarë deklaroi efektivi i RENEA-s për 113 mijë eurot para gjykatës

18 Mars 2023, 11:05, Kronika CNA
“Ia mora borxh një biznesmeni”/ Çfarë deklaroi
Efektivi i RENEA-s, Altin Morina

Efektivi i RENEA-s, Altin Morina ka treguar sot në gjykatë burimin e 113 mijë eurove që iu gjetën katër ditë më parë në makinën e tij.

Mësohet se efektivi ka deklaruar para togave të zeza se paratë ia ka marrë borxh një biznesmeni ndërtimi, ndërsa ka treguar edhe emrin e këtij të fundi.

Ai ka pretenduar se paratë nuk vijnë nga aktivitet kriminal dhe për ta ka edhe dokumentacion, të cilin është shprehur se do ta dorëzojë.

“Paratë nuk vijnë nga produkt kriminal, i mora 20 minuta para se të arrestohesha. Jam i gatshëm të bashkëpunoj me drejtësinë”, ka theksuar ai.

Nga tre akuzat që ishin fillimisht në ngarkim të tij, gjykata rrëzoi dy akuzat dhe la vetëm atë të “Pastrimit të produkteve të veprës penale ose veprimtarisë kriminale”./ CNA

Lajmet e fundit nga