LEXO PA REKLAMA!

SHKARKO APP

I sulmuan dyqanin me lëndë plasëse, zbardhet dëshmia e pronares

26 Nëntor 2022, 09:31, Kronika CNA
I sulmuan dyqanin me lëndë plasëse, zbardhet dëshmia e
Foto ilustruese

Në orët e para të mëngjesit të sotëm një dyqan rrobash është sulmuar me lëndë plasëse në qytetin e Durrësit.

Pronarja e butikut është 33-vjeçarja Jorida Kraboja, e cila është shprehur për mediat se nuk kishte konflikt me asnjë person.

“Nuk kam asnjë konflikt. Nuk e di kush mund ta këtë bërë”, është shprehur ajo.

Policia vijon marrjen në pyetje të familjarëve dhe njerëzve të saj të afërt.

"Në orët e para të mëngjesit, në lagjen nr. 7, Durrës, në qepenin e një butiku në pronësi të shtetases J. K., ka shpërthyer një sasi e vogël, e dyshuar lënde plasëse. Për pasojë, janë shkaktuar dëme të vogla materiale.

Në ambientet e Komisariatit të Policisë Durrës janë shoqëruar disa shtetas dhe vijon puna intensive nga grupi hetimor, nën drejtimin e Prokurorisë, për sqarimin e rrethanave të ngjarjes, identifikimin dhe kapjen e autorit/ëve", thuhej në njoftimin e policisë./ CNA.al

Lajmet e fundit nga