web counter
LEXO PA REKLAMA!

SHKARKO APP

App Store
Google Play

E fundit!

x

Vrasja e trefishtë në Elbasan/ Lala dyshon se janë asgjësuar përgjimet ku ka dalë një politikan

25 Nëntor 2022, 08:52, Kronika CNA

Vrasja e trefishtë në Elbasan/ Lala dyshon se janë asgjësuar

Gazetarja Klodiana Lala ka folur mbi përgjimet ku ka dalë një shtetas që pretendohet se quhet Taulant dhe se është politikan.

Ky emër u hodh para pak ditësh në një seancë gjyqësore nga Ardian Çapja.

Në studion e emisionit “Të Paekspozuarit”, gazetarja Klodiana Lala tha se është marrë një vendim nga Gjykata e Elbasanit për të asgjësuar përgjimet, ku del shtetasi Taulant.

Sipas gazetares kjo gjë nuk është bërë rastësisht, pasi në vendimin e gjykatës nuk jepet asnjë e dhënë tjetër për Taulantin.

“Me 3 shkurt 2016 u qëlluan për vdekje 3 dhe u plagosën 8. U përgjuan disa persona. Ardian Çapja tha se një politikan me emrin Taulant ishte përgjuar.

Gjykata e ka asgjësuar përgjimin. Vendimi është firmosur nga Zamira Vyshka. Gjykata ka vendosur të fshihet serveri.

Nuk mendoj që një numër i caktuar mund të vihet gabimisht nën përgjim. Por historia ka shkuar shumë larg dhe në një moment është fshirë përgjimi. Ka disa kritere për funksionarët e lartë. 

Mendoj se përgjimet janë asgjësuar për të shpëtuar të tjerë më lart.

Fillon dhe mbaron vendimi me shtetasin Taulant, asnjë e dhënë tjetër”, ka thënë Lala./CNA.al





Lajmet e fundit nga