web counter
LEXO PA REKLAMA!

SHKARKO APP

App Store
Google Play

"Faktor kryesor në trafikun e drogave të forta nga Amerika Latine"/ Klodiana Lala: Ja ku fshihet Ervin Mata

21 Nëntor 2023, 18:38, Kronika CNA
"Faktor kryesor në trafikun e drogave të forta nga Amerika
Foto ilustruese

Gazetarja Klodiana Lala, pas operacionit të SPAK , ku një nga personat për të cilët ishte lëshuar urdhër-arresti ishte dhe Ervin Mata, ka deklaruar se ky i fundit është konsideruar si një faktor kryesor në trafikun e drogave të forta nga Amerika Latine drejt Bashkimit Europian.

Sipas gazetares shumicën e kohës ai jeton jashtë Shqipëria. Ajo zbulon se Mata mendohet se jeton në Argjentinë dhe Bolivi .

“Ervin Mata është personazhi kryesor i përplasjes në ish-Bllok në vitin 2018 ku u përplas ashpër me Ervin Martinajn. Për këtë ngjarje që në atë kohë u përdor emri i këngëtares, Elvana Gjata, unë e kam bërë të qartë se ishte një përplasje në fushën e narkotrafikut. Përplasja midis dy grupeve kriminale kishte ardhur për shkak të trafikut të drogave të forta. Dënimet ishin mjaft të lehta. Edhe Meviol Bilo, ish-komando u dënua me një dënim qesharak pasi u cilësua një vrasje e atypëratyshme dhe nuk u hetua më gjatë për arsye që mbet t’i hetojë Prokuroria e Posaçme.

Ky është Ervin Mata i konsideruar një personazh dhe faktor kryesor në trafikun e drogave të forta nga Amerika Latine drejt Bashkimit Evropian. Ai nuk qëndron në Shqipëri pjesën më të madhe të kohës. Këtë verë ka qenë një ose dy herë me periudha të shkurtra dhe mendohet se jeton në Argjentinë dhe Bolivi etj. Djali i zt.Breçani, pasi ka lidhje krushqie me Ervin Matën, dyshohet të jetë i përfshirë në çështje të trafikut të drogës”, ka deklaruar gazetarja./ CNA





Lajmet e fundit nga