LEXO PA REKLAMA!

SHKARKO APP

App Store
Google Play

Zbulohet bashkëpunimi i Bujar Gërmizit me Nuredin Dumanin/ "I forti" i Kukësit e ndihmoi për të kaluar kufirin

21 Nëntor 2023, 12:34, Kronika CNA

Zbulohet bashkëpunimi i Bujar Gërmizit me Nuredin Dumanin/ "I

Detaje të reja kanë dalë nga dosja hetimore e SPAK-ut, ku janë lëshuar 11 urdhër-arreste. Mësohet se Bujar Gërmizi një prej të arrestuarve në kuadër të këtij operacionit, i cili konsiderohet si i forti i Kukësit, dyshohet se ka ndihmuar Nuredin Dumanin.

Në media raportohet se Gërmizi me anë të lidhjeve të tij, ka ndihmuar Dumanin në kohën kur ky i fundit ishte në kërkim, të kalojë disa herë pikën kufitare të Morinës duke hyrë në territorin e Kosovës dhe anasjelltas pa asnjë lloj problemi. 

Nga bisedat e zbuluara nga “SKY ECC” tregoi se njeriu që ndërhynte tek efektivët e policisë kufitare dhe mundësonte kalimin pa problem në pikën kufitare të Nuredin Dumanit, ka qenë Gërmizi. 

Zbulohet se Nuredin Dumani, i shumëkërkuari për disa vrasje ka mbërritur në muajin mars 2022 në Shqipëri, ku ndihma në pikën e kontrollit i është dhënë pikërisht nga shtetasi Bujar Gërmizi.

 Gërmizi akuzohet për sigurim të kushteve për të kryer vrasje dhe ndodhet në qeli. 

Operacioni i SPAK-ut: 

Prokuroria e Posaçme ka lëshuar 11 urdhër-arreste në total, ku 4 janë arrestuar, 6 në kërkim dhe ndaj një oficereje është vendosur "detyrim paraqitjeje". Në prangat e policisë kanë Erzen Breçani, ish-zv.drejtori i Policisë së Tiranës, Dedan Gjoni, Shefi i Krimeve në Komisariatin numër 6, Besmir Murati dhe Bujar (Ajazi) Germizi, emër i njohur i botës së krimit në Kukës. 

Masë "detyrim paraqitje" Gjykata e Posaçme ka vendosur ndaj Jonida Babametos, oficere e Drejtorisë së Kufirit dhe Emigracionit.

Në kërkim janë: Ismail Zeneli, Artan Sulejmani, Albert Prenga, Bajram Germizi, Bajram Grabova dhe Ervin Mata./CNA



 
 

 

Lajmet e fundit nga